പ്രകാശൻ വായിക്കുമ്പോൾ….
വരികൾക്കിടയിലും
വരികൾക്കു നെടുകെയും
വരികൾക്കു കുറുകെയും
വരികളിൽ നിന്ന്
വരികൾ ചാടിക്കടന്നും
വരികളിൽ വിരലരിപ്പിച്ചും
ശ്രുതി ചേർത്തിയും
ശ്രുതി ചോർത്തിയും
പ്രകാശൻ വായിക്കുമ്പോൾ….
ഓടിമറഞ്ഞ
പിൻവഴികളിലെവിടെയോ
വീണുടഞ്ഞ വീണക്കമ്പിക
ളിണക്കിച്ചേർക്കാനും
പറ്റിച്ചേർന്നവ പറിച്ചു
മാറ്റാനുമാകാത്തതിന്റെ
ചരിത്രസമസ്യകൾ തേടി
പ്രകാശൻ വായിക്കുന്ന വേളയിൽ…
ആരാണീ
മൺകുടിലിൻചാരെ
മറഞ്ഞിരുന്ന്
മീട്ടിപ്പാടി
മോഹപ്പൂമണം
പരത്തുന്നത്?
Generated from archived content: poem2_feb13_07.html Author: sivakumar_m_chittoor
Click this button or press Ctrl+G to toggle between Malayalam and English