ഞാൻ
ഒത്തിരി
തമാശക്കാരുള്ള
ഒരു കുടുംബത്തിലായിരുന്നു
ഞാൻ ജനിച്ചതും വളർന്നതും
അതുകൊണ്ട് തന്നെ
ഞാൻ
വളരെ ഗൗരവക്കാരനായി,
നാട്ടുകാർക്കിടയിൽ
ഒരു തമാശക്കാരനും.
മക്കൾ
ഒരിന്ത്യൻ കുട്ടിയും
ഒരമേരിക്കൻ കുട്ടിയും
വളരുന്നതിൽ
ചെറിയ അന്തരം മാത്രമേ ഉള്ളൂ
ഒരണക്കെട്ടിൽ
വെള്ളം നിർത്തി
അതിൽ നിന്നും
വൈദ്യുതി ഉണ്ടാക്കുന്നത്
പോലെയാണ്
ഇന്ത്യാക്കാർ
മക്കളെ വളർത്തി
വലുതാക്കുന്നത്.
അമേരിക്കക്കാരാകട്ടെ,
അണക്കെട്ടിന്റെ
ഷട്ടർ തുറന്നുവിട്ട്
തരിശുനിലം
വിളനിലമാക്കുന്നതുപോലെയും.
Generated from archived content: poem2_may3_07.html Author: santhosh_pala
Click this button or press Ctrl+G to toggle between Malayalam and English