ഒന്ന്
പ്രണയം
പ്രതിധ്വനിയില്ലാത്ത
ശബ്ദമാണ്.
അത്-
നിന്റെ മനസ്സിൽ തുടങ്ങി
എന്റെ മനസ്സിലേക്ക്
ഒഴുകുമ്പോൾ
ആ ശബ്ദം
എനിക്ക് കേൾക്കാം.
പക്ഷേ
ഞാനാരോടും പറഞ്ഞില്ല.
അതാകാം
ശബ്ദം നിലച്ചപ്പോൾ
ഞാനാരോടും
പരാതി പറയാത്തത്.
രണ്ട്
ഞാനും-
നീയും
ഇരുളിന്റെ
പ്രതിബിംബങ്ങളാണ്.
ഞാൻ നിന്നിലും
നീ എന്നിലും
പ്രതിഫലിച്ചില്ല.
അതാകാം
ഞാൻ ഇരുളിലമർന്നപ്പോൾ
ആരും അറിയാതെ പോയത്.
Generated from archived content: aug13_poem1.html Author: saju_soman
Click this button or press Ctrl+G to toggle between Malayalam and English