ശ്മശാനത്തിനു മുകളിലെ വീട്

* പാടം പൂത്ത കാലം
പാടാന്‍ വന്നു നീയും…

പാട്ടുകേട്ടമ്മയോടാരാഞ്ഞു
പൈതല്‍
എന്താണമ്മേ പാടം
മുറ്റത്തെ പൂന്തോട്ടം
പോലെയൊന്നാണോ…

നാലതിരും മണ്‍ തിണ്ട്
അതിനുള്ളില്‍ കളിമണ്ണ്
ചെളിയില്‍ വളരും ചെടികള്‍
അതാണ് കുഞ്ഞേ പാടം

കാണണം അമ്മേ പാടം
പാട്ടിലെ
പൂത്തുനില്‍ക്കണ പാടം

ഉയര്‍ന്ന നമ്മുടെ വീടിന്നടിയില്‍
മറഞ്ഞു പോയി പാടം
പൂ മണമുള്ളൊരു പാടം
പാട്ടില്‍
പൂത്തുനിന്നൊരു കാലം

* ചിത്രം സിനിമയിലെ പ്രണയ രംഗമുള്ള ഒരു ഗാനത്തിന്റെ ആദ്യ വരികള്‍

Generated from archived content: poem1_dec15_11.html Author: saju_pullan

അഭിപ്രായങ്ങൾ

അഭിപ്രായങ്ങൾ