ഹേ പുണ്യ പ്രവാഹിനീ
നിന്മിഴി ത്തെല്ലില്‍
ത്രികാലപ്പടവുകള്‍ ,
ഹിമശൈല ഗരിമകളില്‍
മൃദു മധുര മന്ത്രമായ്
മന്വന്തരങ്ങളെ
നെഞ്ചേറ്റി ലാളിച്ച
പുണ്യ ഭാഗീരഥീസ്വസ്തി …
അനാദി പ്രവാഹമായ്
മണ്ണില്‍ നിതാന്തമാം
നേരിന്‍ നിറവായ്
എന്നും നിറയുക …
നിത്യാനന്ദ ഗേഹങ്ങളില്‍
വിശുദ്ധ വാഴ്വു പോല്‍
പ്രണയ സൗരഭ മാവും
പ്രിയ ഭാഗീരഥീസ്വസ്തി …
സുചരിതയായി
മഹാകാല വഴികളില്‍
അമൃത തീര്‍ത്ഥ മായ്
നിറയും പുളിനമേ സ്വസ്തി …
അനസ്തമായ ജ്വാലയായ്
ധരയിലാര്‍ദ്രമാ
മലിവിന്‍ പ്രവാഹമായ്
നിറയും ഭാഗീരഥീസ്വസ്തി …
ഈ മണ്ണില ഴകിന്‍
അമൃതരേണുക്കളായ്
ജീന്റ്‌റെ നാദം നിറയ്ക്കും
വാഴ് വെഴും വഹിനീ സ്വസ്തി
മൃദു ലളിത മധുരമാം
ഹരിത പ്രസാദമായ്
നവ്യ പ്രപഞ്ചങ്ങളേകും
പുണ്യപ്രവാഹമേ സ്വസ്തി ..
തിരുജടയിലുണ രുന്ന
ഹിമ ശൈല തീര്‍ത്ഥമേസ്വസ്തി…
ഈ മണ്ണി നലിവോ ടെ
കനിവിന്‍ നിറ കുംഭ മരുളും
ഗംഗാ പ്രവാഹമേ സ്വസ്തി …
തിരുജടയിലുണ രുന്ന
ഹിമ ശൈല തീര്‍ത്ഥമേ
പുണ്യ ഭാഗീരഥീസ്വസ്തി …
Generated from archived content: poem3_apr29_14.html Author: sajeev.v_kizhakkepparambil
