വഴിയിലേക്കു കണ്ണയച്ചിരിക്കെ,യെ-
ന്നകമേ വായ്ക്കുന്നു പുതുഹര്‍ഷം
കളിയല്ലോ വെയിലും തണലും ; വര്‍ഷര്‍ത്തു-
കഴിഞ്ഞു വന്നല്ലോ മലര്‍മാസം!
ചിലര്‍ പുതുവാര്‍ത്ത യറിയിച്ചെത്തുന്നു,
ചെറുതായ് തൈത്തെന്നലിളകുന്നു,
ശുഭമുഹൂര്‍ത്തമിങ്ങണയുമെന്നോര്‍ത്തു-
കതകുഞാന്‍ തുറ,ന്നമരുന്നു
ഇടയില്‍ പുഞ്ചിരി പൊഴിക്കുന്നു,നെഞ്ഞില്‍
അമൃത സംഗീതമുണരുന്നു
സുരഭിലം തെന്നലിടയ്ക്കുവീശുമ്പോള്‍
സുഖദമെത്ര,യീ വഴിയോരം;
ഇവിടെയിമ്മട്ടി,ലലസം മേവുമ്പോള്‍
അകമേ ആഹ്ലാദത്തിരയാട്ടം!
കടപ്പാട്: കേരള സാഹിത്യ അക്കാദമി Email:akademipublication@gmail.com
Generated from archived content: geethanjali43.html Author: rabeendranath_tagore
