ജഗതി ശ്രീകുമാറിനെ വീണ്ടും വിവാദനായകനായുയർത്തിയ ‘ബോയ്‌ഫ്രണ്ടി’ൽ ലാലു അലക്‌സ്‌ കോളേജ്‌ പ്രിൻസിപ്പലിന്റെ വേഷത്തിലെത്തുന്നു. ഈ കഥാപാത്രത്തെ അവതരിപ്പിക്കാൻ നിർദ്ദിഷ്‌ട സമയത്ത്‌ എത്താതിരുന്നതിനെ തുടർന്നാണ്‌ നിർമ്മാതാക്കളുടെ സംഘടന ജഗതിക്കെതിരെ നടപടിക്കൊരുങ്ങുന്നത്‌. വിനയന്റെ ‘സത്യ’ത്തിൽ പ്രത്യക്ഷപ്പെട്ടതിന്‌ താരസംഘടനയുടെ അപ്രീതിക്ക്‌ പാത്രമായ ലാലു അലക്‌സ്‌ ജഗതിക്കു പകരക്കാരനായത്‌ യാദൃച്ഛികതയാകാം.
‘മഞ്ഞുപോലൊരു പെൺകുട്ടി’യിലൂടെ സംസ്ഥാനതലത്തിൽ അംഗീകരിക്കപ്പെട്ടതിന്റെ സന്തോഷത്തിലാണ്‌ ലാലു അലക്‌സ്‌.
‘ബോയ്‌ ഫ്രണ്ടി’ൽ നിർണായക പ്രാധാന്യമുളള കഥാപാത്രമാണ്‌ ജഗതി ശ്രീകുമാറിനു നീക്കിവച്ചിരുന്നത്‌. ക്യാമ്പസ്‌ പശ്ചാത്തലത്തിൽ ഇതൾവിരിയുന്ന ഈ ചിത്രത്തിൽ മണിക്കുട്ടനാണ്‌ നായകൻ. ലക്ഷ്‌മി ഗോപാലസ്വാമിയുടെ അമ്മ വേഷവും ശ്രദ്ധേയമാണ്‌.
Generated from archived content: cenima3_sep7_05.html Author: puzha_com
