‘ നൃത്തം വയ്ക്കും പൂത്തുമ്പീ
നീയൊരു വട്ടി പൂതരുമോ?’
‘ ചന്തമെഴുന്നൊരു പൂക്കളെ ഞാ-
നെങ്ങനെ നുളളും ചങ്ങാതീ?’
‘ വല്ലം നിറയേ പൂക്കളുമായ്
ചെല്ലക്കാറ്റേ നീ വരുമോ?’
‘ ഇമ്പം പകരും പൂവുകളെ
ഇറുത്തെടുക്കുവതെങ്ങനെ ഞാന്?’
‘ നിറമേഴുളെളാരു പൂമ്പാറ്റേ
നീയൊരു വട്ടിപൂ തരുമോ?’
‘ അഴകെഴുമോണപ്പൂവുകള്തന്
കഴുത്തറുക്കുവതെങ്ങനെ ഞാന്?’
Generated from archived content: poem1_agu22_15.html Author: puthenveli_sukumaran
