നേരേ നോക്കി നടക്കരുതാരും
താഴെ നോക്കി നടക്കേണം
താഴെ നോക്കി നടന്നില്ലെങ്കിൽ
വീഴും തുപ്പൽച്ചേറുകളിൽ
‘കൊഴുകൊഴെ’ കാറിത്തുപ്പിയ കഫവും
പഴയതു, ചീഞ്ഞതു വഴി നീളെ
വീട്ടിലടുപ്പിൽ തുപ്പിയ മാന്യൻ
റോട്ടിലുമാപ്പണി ചെയ്യുന്നു.
മത്സ്യം, മാംസം, പച്ചക്കറികളു-
മൊപ്പം റോട്ടിൽ തള്ളുന്നു
മെനയില്ലാത്തവനെറിയും കിറ്റിൽ
നിറയെ രോഗക്കൂമ്പാരം
പുറമേ കണ്ടാൽ മാന്യൻ പക്ഷേ
അറിയുന്നുണ്ടോ അവനുള്ളം
ഇവനെ വിളിക്കാൻ നമ്മുടെ ഭാഷയിൽ
ഇനിയും വാക്കുകൾ ചമയേണം.
Generated from archived content: poem1_mar5_11.html Author: purushan_cherayi
