മരണം

നിങ്ങൾക്കെന്നെ ഭയക്കാം,

വെറുക്കാം,

എന്നിൽ നിന്നോടിയൊളിക്കാം,

അല്ലെങ്കിലരക്കൈ നോക്കാം;

കെട്ടിപ്പുണരാമെന്നെ,

സ്വയം വരിക്കാം;

ചിരിച്ചു തളളാമല്ലെങ്കിൽ

കണ്ടില്ലെന്നു നടിക്കാം,

കണ്ണടച്ചിരുട്ടാക്കാം, മറക്കാം;

പോരെങ്കിൽ

അനശ്വരതയുടെ പെരുമ്പറ മുഴക്കി

തത്വചിന്തയുടെ പെരുംകാടിളക്കി

വേട്ടയാടാമെന്നെ;

വേണ്ട, ഏറെയെളുപ്പം,

ദൈവമാമെന്നപരനിൽ

അഭയം തേടാം നിത്യം,

അല്ലെങ്കിൽ, നിസ്സംഗതയിൽ

വെറുതെ, വെറുതേയിരിക്കാം.

ഒടുവിൽ ഞാൻ, ഞാനാണ്‌-

നിങ്ങളുടെ സ്വന്തം,

മരണം!

Generated from archived content: poem1_june25_08.html Author: parameswaran

അഭിപ്രായങ്ങൾ

അഭിപ്രായങ്ങൾ

അഭിപ്രായം എഴുതുക

Please enter your comment!
Please enter your name here