നീയൊരു സ്‌ത്രീ-
“അനുകൂല
വിമലാംഗി
ലളിത….
കുലജ
കുശല
സുശീല….”
ഒരുകണ്ണിൽ കനവും
മറുകണ്ണിൽ നനവും
കയ്യിലൊരു വൈക്കോൽതുരുമ്പും!
ശിവന്നൊരു ശക്തിയായ്‌
ശക്തിക്കു വിധേയയായ്‌
പടരുന്നു ഭാവം പലതായ്‌-
ഒരുപക്കം വെളുപ്പും
മറുപക്കം കറുപ്പും
കൂടെക്കുറെ ചെമപ്പും!
വളരുന്ന മോഹം
വടമായ്‌ വരിയുമ്പോൾ
അടരുന്ന പൂക്കളൊന്നായ്‌,
അടിവയർക്കാട്ടിലെ
അലതല്ലുമാറ്റിലെ
അലമുറയായ്‌ വിടർന്നോ?
ഒരു ജന്മം കൂടി-
ക്കെടുത്തി നീ കൈവിട്ട
സൗഭാഗ്യം തേടിയെന്നോ?
Generated from archived content: poem2_feb1_06.html Author: narayana_swami
Click this button or press Ctrl+G to toggle between Malayalam and English