മൗനം, മൗനം ഒരു നീണ്ട മൗനം……….
വേർപ്പെടലിന്റെ, വിട്ടകലിന്റെ ഒരു മൗനം………
കരകാണാ കടലിനക്കരെ സാമ്പദ്യ മാന്ദ്യത്തി-
ലകപ്പെട്ട്‌ വിടുതൽ തേടിപ്പോയ പ്രിയതമയേയും,
പൈതങ്ങളേയും കുറിച്ചോർത്തുള്ള മൗനം………….
ചുട്ടുപൊള്ളുന്ന മണലാരണ്യത്തിൽ, മനസ്സിന്റെ
നെരിപ്പോടിലെ ദുഃഖങ്ങളെല്ലാം കടിച്ചമർത്തി,
ദിനരാത്രങ്ങൾ കടന്നുപോകുന്നതെണ്ണിയെണ്ണി,
വീണ്ടുമൊരു സമാഗമത്തെ കുറിച്ചുള്ള മൗനം….
അകലങ്ങളിൽ അരുമകളെ കാണാനുള്ള മൗനം….
ഒരനന്തമാം സ്വപ്‌നത്തിന്റെ മൗനം……….
Generated from archived content: poem2_dec28_09.html Author: nalinakshan_irattapuzha
