മഴപ്പേച്ച്‌

ഓർമകളുരുക്കിയ മനസ്സിനെ

സ്‌നാനം ചെയ്യിക്കാൻ

ആർത്തിരമ്പിയാണ്‌ മഴ വരിക…..

ഇലത്തുമ്പുകളിലിഴയുന്ന മഴച്ചീളിനെ

ഇളംകാറ്റ്‌ ഇക്കിളിയിട്ടതായിരിക്കും

നാളത്തെ പ്രധാന വാർത്ത….!

ഓട്ടിൻ പുറത്ത്‌ ഉറഞ്ഞു തുള്ളിയ

പേമാരി കടൽ പൂകിയ കഥ

കെട്ടുവള്ളക്കാരൻ തന്റെ

പ്രേയസിയോട്‌ പാടിപ്പുകഴ്‌ത്തും….

വേനൽ ചുട്ട വയലിറമ്പിൽ

നെഞ്ചിലുറഞ്ഞ വിങ്ങൽ

കൃഷീവലൻ കണ്ണീർ മഴയായി പെയ്യിക്കും….

സ്‌നേഹത്തിനായ്‌ കൊതിച്ച

വരൾച്ചയിലേക്കാണ്‌

പ്രളയം പോലെ നിന്റെ പ്രണയം

പെയ്‌തിറങ്ങിയതെന്ന്‌

നിലാവിനെ നോക്കി മേഘം ഗർജ്ജിക്കും….

കാലത്തിന്റെ നിലവിളികളാണ്‌

ഓരോ മഴത്തുള്ളിയുമെന്ന്‌

നാമെന്നിട്ടും മനപ്പൂർവം വിസ്‌മരിക്കും….

Generated from archived content: poem1_aug14_09.html Author: muyyam_rajan

അഭിപ്രായങ്ങൾ

അഭിപ്രായങ്ങൾ

SHARE
Previous articleമമ രാജ്യം
Next articleആത്മഹത്യ
Avatar
കണ്ണൂർ ജില്ലയിലെ തളിപ്പറമ്പ നഗരത്തോട് ചേർന്ന് കിടക്കുന്ന മുയ്യം ഗ്രാമത്തിൽ ജനനം. കോൾ ഇന്ത്യ ലിമിറ്റഡിൽ 1985 മുതൽ 2019 വരെ ജോലി. അസി. മാനേജരായി നാഗ്പൂരിൽ നിന്നും വിരമിച്ചു. ഓൾ ഇന്ത്യ റേഡിയോയിൽ (സ്വരമഞ്ജരി) തുടർച്ചയായി കഥകളും കവിതകളും അവതരിപ്പിക്കുന്നു. ഭാര്യ - ദീപ , മക്കൾ - അങ്കിത, അനഘ. 1977 മുതൽ മുൻ നിരയിലുള്ള മാഗസിനുകളിൽ കഥ, കവിത, ഫീച്ചറുകൾ, മിഡിൽ എന്നിവ എഴുതുന്നു. 40 വർഷത്തെ പ്രവാസം. പലതവണ സമ്മാനങ്ങൾ ലഭിച്ചിട്ടുണ്ട്. വിലാസം : 'ദീപം' കുന്നുമ്പാറ റോഡ് കോൾമൊട്ട പി. ഒ. നണിച്ചേരി പറശ്ശിനിക്കടവ് കണ്ണൂർ പിൻ - 670 563. E-mail : muyyamrajan@gmail.com Mob : 9405588813

അഭിപ്രായം എഴുതുക

Please enter your comment!
Please enter your name here