അലകളായുലഞ്ഞരികിൽ സല്ലപി-
ച്ചിലകളിൽ പുണർന്നതിരമിക്കുകിൽ
നിലമറന്നുഞ്ഞാൻ പ്രണയചിത്തനായ്‌
വലയുമെന്നു കൊതിച്ചുവോ?
കുളിരുമൂടിയെൻ തളിരിലമരുകിൽ
പുളകമാർന്നു നിൻ ഹിമപടങ്ങളിൽ
തെളിയുവാൻ കഴിയാത്ത മേൽ ഞാൻ
ഒളിയുമെന്നു നീ കരുതിയൊ?
കാതിലളികളായ്‌ പാടിയാ-
ലതിലലിയുമെൻ മനമെങ്കിലും
മദമാടിയടിമുടിയിളകി ഞാൻ
മതിമറക്കുമെന്നു മോഹിച്ചുവൊ?
ചുഴലിയായി വന്നലറി വീശുകിൽ
ഉഴറി ശാഖകൾ വിറയുമെങ്ങിലും
ആഴമേറെയമർന്ന വേരുകൾ
പുഴകുമെന്നു നിനച്ചുവോ?
പിറവിയിൽ നിറയമ്മയോതിയൊ-
രറിവിൽ വിരുതറിയുമ്പൊഴും
നിറ യൗവ്വനം പൂണ്ടിളകുമീ
യരയാൽമരം നിൻ കാമുകൻ
Generated from archived content: poem2_mar27_09.html Author: mathewskuriyakose
