പള്ളിക്കൂടത്തിലേക്ക്
ഞാൻ വീണ്ടും പോകുന്നു.
നീകൂടി വരിക.
ആ പഴയബാഗും കുട്ടിത്തവും
എടുത്തു കൊള്ളുക
പുളിയുടെ മൂട്ടിൽ
അന്നു നിന്നോട് പറയാൻ
മറന്നു വച്ച ഒരു കാര്യമിരിപ്പുണ്ട്്്
ഞാനതെടുത്ത് നിനക്കുതരാം
10എ യെ വീണ്ടും
അവസാനമായിട്ടൊന്നു നോക്കണം
പിന്നെ ആ ഗേറ്റ് കടന്ന്
മതിലുകടന്ന്
റോഡ് പിരിയുന്നിടത്തുവച്ച്
എനിക്കു ഇടത്തോട്ട്
എന്റെ അലസതയിലേക്കും
നിനക്കു വലത്തോട്ട്
നിന്റെ ധൃതി പിടിച്ച
കടമകളിലേക്കും പിരിയാം.
Generated from archived content: poem1_dec26_08.html Author: konnamudu_viju
Click this button or press Ctrl+G to toggle between Malayalam and English