ചെറിയ മത്തി വൃത്തിയാക്കി എടുത്തത് – അരക്കിലോ
ഇരുമ്പന്‍ പുളി വലുത് – 10 എണ്ണം
തേങ്ങ – ഒരു വലിയ മുറി
ഇഞ്ചി – ഒരു ചെറിയ കഷണം
പച്ചമുളക് – 4 എണ്ണം
ചെറിയ ഉള്ളി – 5 എണ്ണം
മല്ലിപ്പൊടി – 3 ടീസ്പൂണ്‍
മുളകുപൊടി – 2 ടീസ്പൂണ്‍
മഞ്ഞള്‍പ്പൊടി – അരടീസ്പൂണ്‍
വിനാഗിരി – അരടീസ്പൂണ്‍
വെളിച്ചണ്ണ – 1 ടീസ്പൂണ്‍
ഉപ്പ്, കറിവേപ്പില – ആവശ്യത്തിന്
തേങ്ങ ചുരണ്ടി പിഴിഞ്ഞ് തലപ്പാല്‍ മാറ്റി, ബാക്കി മീന്‍ വേവാന്‍ ആവശ്യമുള്ള വെള്ളത്തിന് തേങ്ങ പിഴിഞ്ഞെടുക്കുക. മത്തി വൃത്തിയാക്കിയതില്‍ ഇരുമ്പന്‍ പുളി നീളത്തില്‍ കീറിയത്, ഇഞ്ചി, പച്ചമുളക്, ഉള്ളി, മല്ലിപ്പൊടി, മുളകുപൊടി, മഞ്ഞള്‍പ്പൊടി, ഉപ്പ്, വെളിച്ചണ്ണ ഇവ ചേര്‍ത്ത് ഇളക്കി കുറച്ചു നേരം വയ്ക്കണം . ഇതിലേക്ക് തേങ്ങാപ്പാല്‍ ചേര്‍ത്ത് വേവിക്കുക. വെന്തുകഴിയുമ്പോള്‍ തലപ്പാല്‍ ചേര്‍ക്കണം . തിളക്കരുത് ഇറക്കി വച്ച് വിനാഗിരിയും കറിവേപ്പിലയും ചേര്‍ത്ത് ഉപയോഗിക്കാം.
Generated from archived content: pachaka38.html Author: jiji_roby
