കടയിൽ കിടയ്‌ക്കുന്ന
കവറിൽ കിടക്കുന്നു
നാളത്തെത്തലമുറ
സൂക്ഷിച്ചു വായിച്ചു
നോക്കാതെ വാങ്ങിച്ചു
സേവിച്ചു പോകലേ
വർത്തമാനസ്സുഖം!
“കടമാണു ധനമെന്റെ
മക്കളേ! അടിയേറ്റു
പുളയാതെ വേഗം നടക്കനാ-
മണയുന്നു ശാന്തി തീരം.
സുഖം! അറവുശാലയ്‌ക്കകം”
റോഡോരമൊഴുകുന്ന
കന്നുകാലി ഗിരം
(നാളെ ഹോട്ടൽ മണം)
വർത്തമാനസ്സുഖം!
പ്രേമിച്ചുടലയിൽ
പീഢനക്കോമരം
എഴുന്നള്ളിയെത്തുന്ന
കൊട്ടാരവണ്ടിയിൽ
മാധ്യമപ്രഭൂതകൾ
കൊട്ടും പൊരുമ്പറ-
യൊപ്പിച്ചു തുള്ളി-
ത്തിളങ്ങുന്ന പീഢിത-
ച്ചീളിന്റെ സുഖമതേ
വർത്തമാനസ്സുഖം!
ഇല്ലെന്നു പറയാതെ
ഇല്ലായ്‌മയറിയാതെ
വല്ലം കമിഴ്‌ത്തിനീ
ഇല്ലം മറക്കുക.
വായിച്ചതെല്ലാം
മടക്കി നീവച്ചു-
വരുത്തി വായിക്കുക-
മേതുമുഖപ്പൊള്ളകൾ
ഉപദേശ മുരുളുന്ന
വഴിക്കഴിക്കാഴ്‌ചയേ
വർത്തമാനസ്സുഖം.
Generated from archived content: poem1_mar23_09.html Author: jayachandran_thonnackal
