വൃത്തിയാക്കിയ ഞണ്ട് – 2 കഷണമായി മുറിച്ചത്‌ – 1 കിലോ
സവാള – വലുത് 2
തക്കാളി – 2
വെളുത്തുള്ളി – 10 അല്ലി
പച്ചമുളക്‌ – 5 എണ്ണം
ഇഞ്ചി – ഒരു കഷ്‌ണം
മല്ലിപ്പൊടി – 3 ടീ സ്‌പൂണ്‍
മുളകുപൊടി – 2 ടീസ്‌പൂണ്‍
മഞ്ഞള്‍പൊടി – കാല്‍ ടീസ്‌പൂണ്‍
കുരുമുളകുപൊടി – കാല്‍ ടീസ്‌പൂണ്‍
മസാലപ്പൊടി – അര ടീസ്‌പൂണ്‍
മല്ലിയില – 4 തണ്ട്‌, കറിവേപ്പില ഒരു തണ്ട്‌
ഉപ്പ്‌ – പാകത്തിന്‌
പാചകം ചെയ്യുന്ന വിധം: വൃത്തിയാക്കിയ ഞണ്ട് രണ്ടായി മുറിച്ചതും (വലിയ രണ്ട്‌ കാലുകള്‍ ചെറുതായി പൊട്ടിച്ച്‌ ചേര്‍ക്കാം) പച്ചമുളക്‌, ഇഞ്ചി ഇവ നന്നായി ചതച്ചതും മഞ്ഞള്‍പൊടി, ഉപ്പ്‌ എന്നിവയും പാകത്തിന്‌ വെള്ളവും ചേര്‍ത്തു ഞണ്ട് വേവിക്കുക – ചൂടായ ചീനചട്ടിയില്‍ വെളിച്ചണ്ണയൊഴിച്ച്‌ സവാള, വെളുത്തുള്ളി ചതച്ചത്‌, എന്നിവ ചേര്‍ത്ത്‌ വഴറ്റണം – വഴന്നുവരുമ്പോള്‍ തക്കാളി ചേര്‍ക്കുക – നന്നായി വഴറ്റിയശേഷം മല്ലിപ്പൊടി, കുരുമുളകുപൊടി, മുളക്‌പൊടി, മസാലപ്പൊടി എന്നിവ ചേര്‍ത്ത്‌ നന്നായി വഴറ്റണം – എണ്ണ തെളിയുന്ന പാകത്തില്‍ വേവിച്ച ഞണ്ട് ചേര്‍ക്കുക – അരപ്പ്‌ ഞണ്ടില്‍ പൊതിഞ്ഞിരിക്കുന്ന പാകത്തില്‍ മല്ലിയില അരിഞ്ഞതും കറിവേപ്പിലയും ചേര്‍ത്തു വാങ്ങി ഉപയോഗിക്കാം.
Generated from archived content: pachaka7.html Author: gigi_roby
