ഒരു ചോരക്കണക്ക്‌

1

ഒരു ചെറുനൊമ്പരമുണ്ടാക്കീടിൽ

ചത്തുമലയ്‌ക്കുമുറുമ്പിൻ കൂട്ടം.

ഒരു ചെറുതുളളിച്ചോര കുടിച്ചാൽ

കൊതുകിന്നുടനടി മരണം ശിക്ഷ.

2

രോഗം പരത്താൻ രക്തംപീച്ചും

വൈദ്യൻ വലിയൊരാളായ്‌ വാഴും.

ജീവൻ കാക്കാൻ കുപ്പിയിലിത്തിരി

ചോര കൊടുത്താൽ ജനസേവകനാം.

രക്തത്തിൻ നിറമാലച്ചാർത്തിൽ

കല്ലും കാളീവിഗ്രഹമാകും.

തെരുവിൽ കുടുകുടെ ചോരയൊലിപ്പി-

ച്ചാർക്കും ബഹുജനനേതാവാകാം.

3

രക്തത്തിന്നളവ,ല്ലതു ചിന്തി-

ക്കുന്നോൻ തന്റെ വലിപ്പം മുഖ്യം.

Generated from archived content: poem2_july20_05.html Author: dr_g_narayanawamy

അഭിപ്രായങ്ങൾ

അഭിപ്രായങ്ങൾ