ശ്രീനാരായണഗുരുവിന്റെ ജീവിതവും സന്ദേശവും അധികരിച്ചൊരുങ്ങുന്ന ‘യുഗപുരുഷനി’ൽ നവ്യനായർ ഡബിൾ റോളിൽ പ്രത്യക്ഷപ്പെടുന്നു. ആർ.സുകുമാരൻ സംവിധാനം ചെയ്യുന്ന സിനിമയിൽ കലാഭവൻ മണിയുടെ ഭാര്യയും മകളുമായി രണ്ട്‌ വ്യത്യസ്‌ത കഥാപാത്രങ്ങളെയാണ്‌ സുന്ദരി ഉൾക്കൊള്ളുന്നത്‌. മണിയുടെ കഥാപാത്രത്തിന്റെ ഭാര്യ സാവിത്രി അന്തർജനവും മകൾ ശാരദയും നവ്യയെ വീണ്ടും അംഗീകാരങ്ങളുടെ ലോകത്തെത്തിച്ചേക്കും. ചരിത്ര സിനിമയുടെ ഭാഗമായി മാറുന്നതിന്റെ ത്രില്ലിലാണിവർ. കന്നടച്ചിത്രത്തിന്റെ തിരക്കിൽ നിന്നുമാണ്‌ നവ്യ ‘യുഗപുരുഷ’ന്റെ സെറ്റിലെത്തിയത്‌.
മലയാളത്തിൽ മാത്രം ശ്രദ്ധയൂന്നിയിരിക്കുകയാണ്‌ നവ്യയിപ്പോൾ. പൃഥീരാജിന്റെ നായികയായെത്തുന്ന ‘കലണ്ടർ’ ആണ്‌ റീലിസിംഗ്‌ പ്രതീക്ഷിക്കുന്ന ചിത്രം. ജയസൂര്യയുടെ പുതിയ ചിത്രത്തിൽ മൂന്നുനായികമാരിലൊരാളായി സുന്ദരി എത്തുന്നു.
Generated from archived content: cinima1_jan31_09.html Author: cini_vision
