കാവ്യ മാധവൻ കേന്ദ്ര കഥാപാത്രത്തെ അവതരിപ്പിക്കുന്ന ‘ചാരുമുഖി’യിൽ സൈജു കുറുപ്പ്‌ നായകനാകുന്നു. ഹരിഹരൻ ‘മയൂഖ’ത്തിനുവേണ്ടി കണ്ടെടുത്ത സൈജു ആദ്യചിത്രം റിലീസിംഗിനൊരുങ്ങിയിരിക്കെയാണ്‌ പുതിയ ചിത്രത്തിൽ സഹകരിക്കാൻ തയ്യാറായിരിക്കുന്നത്‌. ‘മയൂഖ’ത്തിന്റെ പ്രിവ്യൂ കണ്ടവർ സൈജുവിന്റെ പ്രകടനം മികച്ചതെന്നാണ്‌ വിലയിരുത്തുന്നത്‌. ‘ചാരുമുഖി’യിൽ സുനിലിനു പകരക്കാരനായാണ്‌ മയൂഖ നായകൻ കയറിക്കൂടിയിട്ടുളളത്‌. കാവ്യയുടെ നായകപദവി സൈജുവിന്റെ കരിയറിൽ വഴിത്തിരിവായേക്കും. എയൽടെൽ ജീവനക്കാരനായ ഈ യുവാവ്‌ ലീവെടുത്താണ്‌ അഭിനയരംഗത്ത്‌ സജീവമാകുന്നത്‌.
സുകുമേനോൻ സംവിധാനം ചെയ്യുന്ന ‘ചാരുമുഖി’യിൽ ജഗതി, ബാബു നമ്പൂതിരി, കൊച്ചിൻ ഹനീഫ, അനൂപ്‌ മേനോൻ, മാമുക്കോയ, സലിംകുമാർ, ജയകൃഷ്‌ണൻ, സുജാ കാർത്തിക, മഞ്ഞ്‌ജുപിളള എന്നിവരും പ്രധാന താരങ്ങളാണ്‌.
രണ്ടാമതു ചിത്രമെന്ന നിലയിൽ ‘ചാരുമുഖി’ സൈജുവിനെ സംബന്ധിച്ച്‌ നിർണായകമാണ്‌. ആദ്യചിത്രത്തിൽ ലഭിക്കുന്ന പുതുമുഖമെന്ന പരിഗണന തുടർന്നു ലഭിക്കാറില്ല. ഫീൽഡിൽ നിലയുറപ്പിക്കാൻ ആഗ്രഹിക്കുന്ന അഭിനേതാവ്‌ കഴിവിന്റെ മാറ്റുരക്കേണ്ടതും രണ്ടാമതു ചിത്രത്തിൽ തന്നെയാണ്‌.
Generated from archived content: cinema3_oct12_05.html Author: cini_vision
