യുവഗായകരുടെ തളളിക്കയറ്റത്തിൽ പിന്നണി ഗാനരംഗത്ത്‌ പിടിച്ചുനിന്ന എം.ജി.ശ്രീകുമാറിന്‌ അവസരങ്ങളേറുന്നു. അനന്തഭദ്രം, സർക്കാർദാദ, വടക്കുംനാഥൻ, നവരസ തുടങ്ങി പുറത്തിറങ്ങാനുളള ഒരുപിടി ചിത്രങ്ങളിൽ ശ്രീകുമാറിന്‌ പ്രതീക്ഷയുണ്ട്‌. അനശ്വര സംഗീതജ്ഞൻ രവീന്ദ്രൻ ഈണം പകർന്ന ‘വടക്കുംനാഥ’നിലെ ഗാനം വേറിട്ടതാണെന്നാണ്‌ ഗായകന്റെ
ടെലിവിഷനിൽ സംഗീത പരിപാടികളുടെ അവതാരകൻ എന്ന നിലയിലും ശ്രീകുമാർ പേരെടുത്തു കഴിഞ്ഞു. 1986-ലാണ്‌ എസ്‌.ബി.ടി. ഉദ്യോഗസ്ഥനായ ശ്രീകുമാർ പിന്നണി ഗാനരംഗത്തെത്തുന്നത്‌. പ്രിയദർശന്റെ ‘ചിത്രം’ ആണ്‌ ബ്രേക്ക്‌ നൽകിയത്‌. കിരീടത്തിലെ ‘കണ്ണീർപൂവിന്റെ…..’ എന്ന ഗാനം ആദ്യത്തെ സംസ്ഥാന പുരസ്‌കാരവും ‘ഹിസ്‌ഹൈനസ്‌ അബ്‌ദുളള’യിലെ ‘നാദരൂപിണീ….’ ആദ്യ ദേശീയപുരസ്‌കാരവും നേടിക്കൊടുത്ത ശ്രീകുമാർ ഹിന്ദി അടക്കമുളള ഭാഷകളിൽ പിന്നണി പാടിക്കഴിഞ്ഞു. മോഹൻലാലിന്റെ ശബ്‌ദവുമായുളള സാമ്യമാണ്‌ ഗായകന്‌ തുണയായത്‌.
Generated from archived content: cinema3_june30_05.html Author: cini_vision
