പത്തു വർഷം മുൻപ്‌ ഫാസിലിന്റെ ചിത്രം ഹരികൃഷ്‌ണൻസിലൂടെയാണ്‌ ബോളിവുഡ്‌ നടി ജൂഹി ചൗള മലയാളത്തിൽ സാന്നിധ്യമറിയിച്ചത്‌. മോഹൻലാലും മമ്മൂട്ടിയും ഒരുമിച്ചഭിനയിച്ച ഹരികൃഷ്‌ണൻസിന്റെ ക്ലൈമാക്‌സ്‌ ഏറെ ചർച്ചാവിഷയമായിരുന്നു. ഇപ്പോഴിതാ നീണ്ട ഇടവേളയ്‌ക്കുശേഷം ജൂഹി മോഹൻലാലിന്റെ നായികയാവുന്നു. ടി. പത്മനാഭന്റെ ‘കടൽ എന്ന ചെറുകഥയെ ആസ്‌പദമാക്കി ഷാജി എൻ. കരുൺ സംവിധാനം ചെയ്യുന്ന ഗാഥ എന്ന ചിത്രത്തിലാണ്‌ ജൂഹി നായികയാകുന്നത്‌. ജയാ ബച്ചനേയും മാധുരി ദീക്ഷിത്തിനെയും ചിത്രത്തിലേക്ക്‌ ആദ്യം പരിഗണിച്ചിരുന്നെങ്കിലും ഒടുവിൽ ജൂഹിക്കു നറുക്കു വീണു. അടുത്തമാസം ലഡാക്കിൽ ചിത്രത്തിന്റെ ഷൂട്ടിംഗ്‌ ആരംഭിക്കുമെന്നാണു കരുതുന്നത്‌. ഹോളിവുഡിൽ നിന്നുള്ള ഒരു പറ്റം ടെക്‌നീഷ്യൻമാരും ചിത്രത്തിലുണ്ടാകും. ചെന്നൈയിലും വിയന്നയിലും ഷൂട്ടിംഗ്‌ തീരുമാനിച്ചിട്ടുണ്ട്‌.
Generated from archived content: cinema1_may15_10.html Author: cini_vision
