‘പരദേശി’യിൽ വൃദ്ധയായി പ്രേക്ഷകരെ വിസ്മയിപ്പിച്ച ശ്വേതാമേനോൻ സുരേഷ്ഗോപിയുടെ അമ്മയാകുന്നു. രൂപേഷ്പോൾ സംവിധാനം ചെയ്യുന്ന ‘ലാപ്ടോപ്പ്’ ആണ് കേന്ദ്രകഥാപാത്രത്തിന്റെ അമ്മയായി ശ്വേത വേഷം മാറുന്ന ചിത്രം. സാഹിത്യകാരനും പത്രപ്രവർത്തകനുമായ രൂപേഷ്പോളിന്റെ കന്നിസംവിധാന സംരംഭമായ ‘ലാപ്ടോപ്പി’ൽ പത്മപ്രിയ നായികാവേഷത്തിലെത്തുന്നു. രൂപേഷിന്റെ ഭാര്യയും കഥാകാരിയുമായ ഇന്ദുമേനോന്റേതാണ് ചിത്രത്തിന്റെ തിരക്കഥ.
സുരേഷ്ഗോപി അവതരിപ്പിക്കുന്ന രവി എന്ന കഥാപാത്രത്തിന്റെ അമ്മയാകാൻ ഗ്ലാമർസുന്ദരി ശ്വേതാമേനോൻ സമ്മതം മൂളിയത് ചലച്ചിത്രവൃത്തങ്ങളിൽ സംസാരവിഷയമായിക്കഴിഞ്ഞു. ശ്വേതയുടെ ആദ്യകാലചിത്രം ‘നക്ഷത്രക്കൂടാര’ത്തിൽ സുരേഷായിരുന്നു ജോഡി. ആങ്കറിംഗ് രംഗത്തും ശ്വേത ശക്തി തെളിയിച്ചു കഴിഞ്ഞു. പ്രമുഖ ചാനലിന്റെ റിയാലിറ്റിഷോ അവതരിപ്പിച്ചുകൊണ്ട് എന്നും ടി.വി പ്രേക്ഷകർക്കു മുന്നിലെത്തുന്നുണ്ട്, ഈ മോഡൽ സുന്ദരി.
Generated from archived content: cinema1_mar20_08.html Author: cini_vision
Click this button or press Ctrl+G to toggle between Malayalam and English