യുവതലമുറയിലെ ശ്രദ്ധേയതാരങ്ങളായ ജയസൂര്യയും അനന്യയും ഒന്നിക്കുന്നു. ജയസൂര്യയെ ഒഴിവാക്കാനാവാത്ത താരമാക്കി മാറ്റിയ സജി സുരേന്ദ്രന്റെ ഏറ്റവും പുതിയ ചിത്രത്തിലാണ് ഇരിവരു ആദ്യമായി ഒന്നിക്കുന്നത്. ‘കുഞ്ഞളിയന്‍’ എന്നു പേരിട്ടിരിക്കുന്ന ചിത്രത്തിന്റെ തിരക്കഥ തിരക്കഥ തയ്യാറാക്കിയിരിക്കുന്നത് കൃഷ്ണപൂജപ്പുരയാണ്. മൂന്നു സഹോദരിമാരും അവരുടെ ഭര്‍ത്താക്കന്മാരും ഉള്‍പ്പെടുന്ന കുടുംബത്തിന്റെ കഥ പറയുന്ന ചിത്രത്തിലെ നായകന്റെ വിളിപ്പേരാണ് കുഞ്ഞളിയന്‍.
കുടുംബത്തിലെ ഇളയ സഹോദരനായ ചെറുപ്പക്കാരനായാണ് ജയസൂര്യ വെള്ളിത്തിരയില്‍ എത്തുന്നത്. ടോമിച്ചന്‍ മുളകുപാടം നിര്‍മ്മിക്കുന്ന ചിത്രം ആക്ഷേപ ഹാസ്യമാണ്. പൊള്ളാച്ചിയില്‍ സെപ്റ്റംബര്‍ അവസാനത്തോടെ ചിത്രീകരണം ആരംഭിക്കും. ജയസൂര്യ പ്രധാന കഥാപാത്രമായ ‘പോസിറ്റീവ്’ എന്ന ചിത്രത്തില്‍ അനന്യ അഭിനയിച്ചിരുന്നു.
Generated from archived content: cinema1_aug27_11.html Author: cini_vision
