റാഫി-മെക്കാർട്ടിൻ ടീമിന്റെ ഡ്രീം പ്രോജക്‌ടുകളിലൊന്നായ ‘കച്ചറ പാർട്ടീ’സിൽ സുരേഷ്‌ ഗോപി നായകനാകുന്നു. ‘തെങ്കാശിപ്പട്ടണ’ത്തിനുശേഷം തൊട്ടതെല്ലാം പൊന്നാക്കിയ സംവിധായക ഇരട്ടകൾക്കൊപ്പം സുരേഷ്‌ സഹകരിക്കുന്ന ചിത്രം കൂടിയാണിത്‌. ‘പാണ്ടിപ്പട’യുടെ വിജയത്തെ തുടർന്ന്‌ ഒരുക്കുന്ന ‘കച്ചറ പാർട്ടീസി’ന്റെ തിരനാടകം രചിക്കുന്നതും പതിവുപോലെ റാഫി-മെക്കാർട്ടിൻ ടീം തന്നെയാണ്‌.
‘തെങ്കാശിപ്പട്ടണം’ സൂപ്പർഹിറ്റായ സമയത്താണ്‌ ‘കച്ചറപ്പാർട്ടീസ്‌’ ഉരുത്തിരിഞ്ഞു വന്നത്‌. കഥയെക്കുറിച്ച്‌ തീരുമാനമായെങ്കിലും പല കാരണങ്ങൾ കൊണ്ട്‌ പ്രോജക്‌ട്‌ നീളുകയായിരുന്നു. ഭരത്‌ചന്ദ്രനിലൂടെ രണ്ടാംവരവ്‌ ഗംഭീരമാക്കിയ സുരേഷ്‌ ഗോപിയെ നായകനാക്കാമെന്ന ധൈര്യം അണിയറ പ്രവർത്തകർക്കിപ്പോഴുണ്ട്‌.
രണ്ടാം വരവിൽ സുരേഷ്‌ അവതരിപ്പിക്കുന്ന പോലീസ്‌ ഇതര വേഷമാണ്‌ കച്ചറ പാർട്ടീസിലേത്‌. ഷാജി കൈലാസിന്റെ ‘ടൈഗറി’ൽ എസ്‌.പി. ചന്ദ്രശേഖറിനെ ഉൾക്കൊണ്ടുവരികയാണ്‌ സുരേഷ്‌ ഇപ്പോൾ. രാഷ്‌ട്രമാണ്‌ സുരേഷിന്റെ പുതിയ ചിത്രം.
Generated from archived content: cinema3_sept28_05.html Author: chithra_lekha
