ബോളിവുഡ് താരറാണി കരീന കപൂർ തമിഴ് സിനിമയിൽ നായികയാകുന്നു. മുംബൈയിലെ പ്രശസ്ത നിർമ്മാണ കമ്പനിയായ അഡ്ലാബ് നിർമ്മിക്കുന്ന സിനിമയിൽ മാധവൻ കരീനയുടെ നായകനാകും. ഈ ജോഡി ആദ്യമായി ഒന്നിക്കുന്നു എന്ന പ്രത്യേകതയുമുണ്ട്.
ഇതിനുമുമ്പും നിരവധി ഓഫറുകൾ തമിഴകത്തു നിന്നും കപൂർ കുടുംബത്തിലെ ഇളമുറക്കാരിയെ തേടിയെത്തിയിരിക്കുന്നു. ബോളിവുഡിലെ തിരക്കുമൂലം ഇവയെല്ലാം നായിക നിരാകരിക്കുകയായിരുന്നു. സന്തോഷ് ശിവന്റെ ‘അശോക’യിൽ ഷാരൂഖ് ഖാന്റെ നായികയായി എത്തിയതോടെയാണ് തെന്നിന്ത്യൻ പ്രേക്ഷകർക്കിടയിൽ കരീന സ്ഥാനം നേടിയെടുത്തത്. മലയാളി സുന്ദരി അസിൻ അടക്കമുള്ള ദക്ഷിണേന്ത്യൻ താരങ്ങൾ ബോളിവുഡിൽ ചുവടുറപ്പിക്കുമ്പോഴാണ് കരീന ചുവടുമാറ്റുന്നത്.
ഗോസിപ്പ് കോളങ്ങളിൽ സ്ഥിരം ഇടം പിടിക്കാറുള്ള കരീന ഒന്നാംകിട നായികമാർക്കിടയിൽ വ്യത്യസ്തയാണ്. സഹതാരങ്ങളോട് വഴക്കടിക്കുക താരത്തിന്റെ പതിവു വിനോദമാണത്രെ.
Generated from archived content: cinema3_june1_07.html Author: chithra_lekha