മംമ്‌ത മമ്മൂട്ടിയുടെ നായികയാവുന്നു. വർഷങ്ങളുടെ ഇടവേളയ്‌ക്കുശേഷം മമ്മൂട്ടി-ഹരിഹരൻ ടീം ഒന്നിക്കുന്ന സിനിമയിലാണ്‌ ഹരിഹരൻ തന്നെ കണ്ടെടുത്ത ഈ ‘മയൂഖ’ സുന്ദരി അഭിനയിക്കുന്നത്‌. ഇതൊരു ചരിത്രപ്രാധാന്യമുള്ള ചിത്രം കൂടിയാണ്‌.
‘ബാബാ കല്യാണിയിൽ’ ലാലിന്റെ നായികയായി പക്വതയാർന്ന പ്രകടനം കാഴ്‌ചവച്ചത്‌ മംമ്‌തയ്‌ക്ക്‌ വലിയ അനുഗ്രഹമായിരിക്കുകയാണ്‌. ചുരുങ്ങിയ കാലയളവിനുള്ളിൽ സൂപ്പർതാര ചിത്രങ്ങളിൽ തിളങ്ങാൻ താരത്തിനു കഴിഞ്ഞു. മമ്മൂട്ടി ചിത്രമായ ‘ബിഗ്‌ബി’യിൽ ബാലെയുടെ ജോഡിയാണ്‌ മംമ്‌ത.
ഗ്ലാമർ വേഷങ്ങളിൽ തന്നെ സ്ഥിരമാകാതെ നായികാപ്രാധാന്യമുള്ള ചിത്രങ്ങളും തിരഞ്ഞെടുക്കാനുള്ള ശ്രമവും നായിക നടത്തുന്നു. തമിഴിൽ നിന്നാണ്‌ ഏറെ ഗ്ലാമറുള്ള വേഷം നടിയെത്തേടിയെത്തുന്നത്‌.
Generated from archived content: cinema2_feb22_07.html Author: chithra_lekha
