നവ്യനായരും ഇന്ദ്രജിത്തും നായികാനായകൻമാരാകുന്ന ‘ഇന്ദുചൂഢൻ’ എം.സി അമർനാഥ്‌ സംവിധാനം ചെയ്യുന്നു. വാക്സ്‌ ക്രിയേഷൻസിന്റെ ബാനറിൽ ചന്ദ്രൻ നിർമിക്കുന്ന സിനിമയിൽ മനോജ്‌.കെ.ജയൻ, ജഗദീഷ്‌, രാജീവ്‌, കെ.പി.എ.സി. ലളിത തുടങ്ങിയവരും താരനിരയിലുണ്ട്‌.
ഇന്ദ്രജിത്തും നവ്യയും ജോഡിചേരുന്ന രണ്ടാമത്തെ ചിത്രമാണിത്‌. ഏകദേശം ഒരേ കാലയളവിൽ രംഗത്തുവന്നിട്ടും ഇന്ദ്രനും നവ്യയും ഒരുമിച്ച്‌ അഭിനയിക്കുന്ന സിനിമകൾ അപൂർവമായി. ആദ്യചിത്രം ബോക്സ്‌ ഓഫീസിൽ തകർന്നു വീണതോടെ ഈ ജോഡിയെ അണിനിരത്തി ചിത്രങ്ങൾ ഒരുക്കാൻ സംവിധായകർ മടിച്ചു. കാവ്യാ മാധവൻ, ഗോപിക എന്നിവർ നായികാവേഷങ്ങൾ കെട്ടിയ ചിത്രങ്ങളിലാണ്‌ ഇന്ദ്രജിത്ത്‌ ഏറെ തിളങ്ങിയിട്ടുള്ളത്‌. മോഹൻലാലിന്റെ ‘ഛോട്ടാ മുംബെ’യാണ്‌ പുതിയ റിലീസ്‌. സൂപ്പർതാരം അവതരിപ്പിക്കുന്ന വാസ്‌കോയുടെ സുഹൃത്തായി ശ്രദ്ധിക്കപ്പെട്ടേക്കാവുന്ന വേഷമാണിതിൽ. ഭാവന നായികയാകുന്ന ചിത്രത്തിൽ വൻ താരനിര തന്നെയുണ്ട്‌.
Generated from archived content: cinema2_apr9_07.html Author: chithra_lekha
