ചെന്നൈഃ വിവാഹപൂർവ ലൈംഗികബന്ധത്തിൽ ഏർപ്പെടുന്നതിൽ തെറ്റില്ലെന്നു പറഞ്ഞ്‌ വിവാദനായികയായ ഖുശ്‌ബു വീണ്ടും വിവാദ പ്രസ്‌താവനയുമായി രംഗത്ത്‌. തമിഴ്‌നാട്ടിൽ സൗന്ദര്യവും അഭിനയശേഷിയുമുള്ള നടിമാരുണ്ടായിട്ടും മുംബൈയിൽ നിന്ന് നടിമാരെ ഇറക്കുമതി ചെയ്യുന്നെന്നാണ്‌ പുതിയ വിവാദപ്രസ്‌താവന. മുംബൈ നടിമാർ എത്രത്തോളം ആഭാസമായി അഭിനയിക്കാനും തയ്യാറാകുന്നതിനാൽ അവരെ ഉപയോഗപ്പെടുത്തുകയാണ്‌. തദ്ദേശീയ അഭിനേത്രികൾക്ക്‌ അവസരം നഷ്‌ടമാകുന്നു. തമിഴ്‌ ചലച്ചിത്രഗാന സിഡി പ്രകാശന ചടങ്ങിലാണ്‌ ഖുശ്‌ബു ഇങ്ങനെ പറഞ്ഞത്‌. ഇതിനെതിരെ ചില സംവിധായകരും നിർമാതാക്കളും വടക്കെ ഇന്ത്യൻ നടികളും രംഗത്തെത്തിയിരിക്കയാണ്‌.
Generated from archived content: cinema1_may22_10.html Author: chithra_lekha
