‘മുല്ല’യിൽ അതിഥിയായെത്തിയ ഭാവന രണ്ടു മലയാളം പ്രൊജക്‌ടുകളിൽ സഹകരിക്കുന്നു. ഷാഫി, ബിജു എന്നീ സംവിധായകരുടെ ചിത്രങ്ങളിൽ നായികാവേഷം അണിയാനാണ്‌ സുന്ദരി ഡേറ്റ്‌ നൽകിയിരിക്കുന്നത്‌. മോഹൻലാലിന്റെ ‘ഛോട്ടാമുംബൈ’ക്ക്‌ ശേഷം ഭാവന മലയാളത്തിൽ നായികാ കഥാപാത്രത്തെ അവതരിപ്പിക്കുന്നു എന്ന നിലയിൽ ഈ പ്രൊജക്‌ടുകൾ പ്രാധാന്യമർഹിക്കുന്നു.
തമിഴിലും തെലുങ്കിലും തിരക്കേറിയ ഘട്ടത്തിലാണ്‌ ഭാവന മാതൃഭാഷയിൽ നിന്നെത്തിയ ഓഫറുകൾക്ക്‌ പച്ചക്കൊടി കാട്ടിയിരിക്കുന്നത്‌. ഇപ്പോൾ തമിഴ്‌ചിത്രങ്ങളിൽ അഭിനയിച്ചുവരുന്ന സുന്ദരിക്ക്‌ തെലുങ്കിലും വൻ ഡിമാന്റ്‌ തന്നെ. ‘ഒൺട്രി’യിൽ ഗോപിചന്ദിന്റെ ജോഡിയായി തെലുങ്കാന പ്രവേശനം നടത്തിയ ഭാവന സൂപ്പർതാരം നിഥിന്റെ നായികയായി ‘ഹീറോ’ എന്ന ചിത്രത്തിലേക്ക്‌ കരാറായിക്കഴിഞ്ഞു. അടുത്തയാഴ്‌ച ഹൈദരാബാദിൽ ഷൂട്ടിംഗ്‌ തുടങ്ങുന്ന തെലുങ്കുചിത്രത്തിന്റെ സംഗീതസംവിധാനം നിർവഹിക്കുന്നത്‌ മണിശർമ്മ.
Generated from archived content: cinema1_june9_08.html Author: chithra_lekha
