യുവനിരയെ അണിനിരത്തി ഷാഫി സംവിധാനം ചെയ്യുന്ന ചിത്രത്തിന്റെ രചനാജോലികൾ പുരോഗമിക്കുന്നു. പൃഥ്വിരാജ്‌, കുഞ്ചാക്കോബോബൻ, ജയസൂര്യ, ഭാവന, റോമ എന്നിവർ മുഖ്യതാരങ്ങളാകുന്ന സിനിമയുടെ തിരക്കഥാകാരൻ ബെന്നി പി. നായരമ്പലം. താരങ്ങൾക്കെല്ലാം തുല്യപ്രാധാന്യം നൽകി ഒരുക്കുന്ന ഈ ലൗസ്‌റ്റോറി പതിവുശൈലിയിൽ നർമ്മത്തിന്റെ മേമ്പൊടിയോടെയാണ്‌ ബെന്നി എഴുതുന്നത്‌. ‘തൊമ്മനും മക്കളും’ എന്ന ഹിറ്റ്‌ ചിത്രത്തിനുശേഷം ഷാഫി-ബെന്നി പി. നായരമ്പലം ടീം ഒന്നിക്കുന്ന പ്രൊജക്‌ട്‌ എ.ബി.എസ്‌. കമ്പയിൻസിന്റെ ബാനറിൽ ഒരുങ്ങുന്നു. ആഗസ്‌റ്റ്‌ ആദ്യം ഷൂട്ടിംഗ്‌ ആരംഭിക്കും. ലൊക്കേഷൻ എറണാകുളം.
‘സ്വപ്‌നക്കൂടി’നു ശേഷം പൃഥ്വിരാജ്‌, ജയസൂര്യ, കുഞ്ചാക്കോബോബൻ, ഭാവന ടീം വീണ്ടും ഒന്നിക്കുന്നു എന്ന പ്രത്യേകതയുമുണ്ട്‌. ഷാഫിയുടെ സൂപ്പർഹിറ്റ്‌ ചിത്രം ‘ചോക്ലേറ്റി’ൽ പൃഥ്വിയും ജയസൂര്യയും റോമയും ഉണ്ടായിരുന്നു.
Generated from archived content: cinema1_july4_08.html Author: chithra_lekha
