കാത്തിരിപ്പ്‌

ഞാൻ

കാത്തിരിക്കുകയാണ്‌.

സുഗന്ധവുമായി

വരാമെന്നു പറഞ്ഞു പോയ

കാറ്റിനെ……..

കിഴക്കു പുനർ ജനിക്കാൻ വേണ്ടി

അസ്‌തമിക്കുന്ന സൂര്യനെ….

വരണ്ട ഭൂമിയിൽ

പെയ്യുവാൻ വൈകുന്ന

കുളിർ മഴയെ….

മഴയും കൊണ്ടു വരുന്ന

കരിമേഘങ്ങളെ…..

എനിക്കറിയാം

നീയും കാത്തിരിക്കുകയാണ്‌.

കാറ്റു വരുമെന്നും

സൂര്യനുദിക്കുമെന്നും

മഴ പെയ്യുമെന്നും

നിനക്കറിയാം.

എന്നിട്ടും ഇന്നലെ രാത്രി

നീ കരഞ്ഞതെന്തിന്‌

കാറ്റുവഴിമാറിപ്പോകുമെന്നോർത്തിട്ടോ

മേഘങ്ങൾ മഴയുതിർക്കാതെ

കടന്നു പോകുമെന്നു ഭയന്നിട്ടോ.

Generated from archived content: poem1_apr12_10.html Author: c_sreekumar-1

അഭിപ്രായങ്ങൾ

അഭിപ്രായങ്ങൾ