വഴികൾ

മഴക്കാലത്ത്‌

എന്റെ ഇടവഴികളുടെ അതിരിടിഞ്ഞു.

കരയിലെ ആൾപ്പാർപ്പില്ലാത്ത വീടുകൾ

നദിയിലേക്കൊലിച്ചു പോയി.

വരുവൊലിക്കുന്ന വഴിയിലൂടെ

നനഞ്ഞുപോയൊരോർമ്മ…!

ഇപ്പോൾ മഴക്കാലമല്ല

വഴിയരികിൽ തകരപൂക്കുന്നു

നാടുവിട്ട കൂട്ടുകാരൻ തിരിച്ചെത്തിയിട്ടും

അതുവഴിയൊന്നു വന്നതില്ല

ആരും നടന്നെത്താത്ത പച്ചവഴികൾ…

മെല്ലെമെല്ലെ

വേനലെത്തുകയായി;

കരിയിലകൾ

ഇടവഴികളെ മൂടുന്നതെത്രവേഗം.

ഉളളിലെ മുറിവുകളെല്ലാം

പഴുത്തൊലിക്കുന്ന കാലം….

ആളൊഴിഞ്ഞ്‌

ഇലകൾമൂടിയ വഴികൾ കാണുമ്പോൾ

എനിക്കിടയ്‌ക്ക്‌

കരച്ചിൽ വരാറുണ്ട്‌.

Generated from archived content: poem1_aug12.html Author: bineesh_vellarakkadu

അഭിപ്രായങ്ങൾ

അഭിപ്രായങ്ങൾ