ഇരു കണ്ണുകൾ തമ്മിലെന്ത്‌?
നോട്ടം പകുക്കുവാൻ കാമന കടയുവാൻ
ധൂസരക്കിനാക്കളെ കണ്ണിയിണക്കുവാൻ
വെള്ളിവെട്ടങ്ങളോട്‌ കണ്ണിറുക്കുവാൻ…
കാഴ്‌ചകൾ വെറും കാഴ്‌ചകളാണെന്നും
കൺപീളയാണെ സത്യമാണെന്നും
കണ്ണിണകൾ പിറുപിറുത്തു വിയർത്തൊലിച്ചതെന്തിന്‌?
ഇരുകൺപോളകൾ ഒരു കൺപോള ചിമ്മാതെ
രാപ്പകൽ ഇണചേരുന്നതെന്തിന്‌?
കിനാപേടകം കൃഷ്ണമണിയായ്‌ കാക്കുവാൻ
ഈ കൺപീലിയെന്തിന്‌ തുറുമ്പുകാട്ടണം?
കർമ്മബന്ധങ്ങളെ ചുംബിച്ചിണക്കുവാൻ
ആയിരം കണ്ണുകൾ കൊരുക്കേണ്ടേ പിന്നെ.
Generated from archived content: poem3_mar15_07.html Author: bhasi_pangil
