തിരിച്ചറിവിന്റെ സുവിശേഷങ്ങളിലേക്ക്‌
എന്നെ വഴിതിരിക്കുന്നതാരാണ്‌?
പാതി വെന്ത നേരിലേക്ക്‌
നോവിന്റെ തീപടർത്തുന്നതാര്‌?
അറിവിന്റെ പുതുരൂപങ്ങളിൽ പകച്ച
പ്രഞ്ജ അടർന്നുമാറുമ്പോൾ
തളർന്ന ഹൃദയധമനികളിലൂടെ ഒഴുകുന്ന
വിളറിയ രക്തത്തിൽ ആരുടെ കയ്യൊപ്പാണ്‌?
സത്യങ്ങളുടെ സൂക്ഷ്‌മദർശിനിക്കുഴലുകൾ
വാതിലുകൾ കൊട്ടിയടക്കുമ്പോൾ, ഞാൻ
അന്ധതയുടെ സുഖമറിയുന്നു – ഒടുവിൽ
പര്യവേഷണങ്ങളുടെയവസാനം
ഇന്നലെകളില്ലാത്തൊരു പൂവിതളായ്‌
ഇവിടെ പാറി നടക്കുന്നു.
Generated from archived content: poem1_feb2.html Author: antopaul_newyork
