മുണ്ഡനം ചെയ്‌തവർ

മുണ്ഡനം ചെയ്‌ത്‌

ഉയരം പാകപ്പെടുത്തിയ

വൻ തരുക്കൾ നിരകളിൽ

കണ്ടു യൂറോപ്പിൽ പലയിടത്തും

ഇലകളില്ല പൂക്കളില്ല കായ്‌കളില്ല

എല്ലാം വെട്ടിനിരത്തി

പൂർണ്ണ നഗ്നരാക്കിയിരിയ്‌ക്കയാണ്‌

ഉറച്ച തടികളിൽ; കൊമ്പുകൾ,

ഉറച്ചുരുണ്ട്‌ കൈമുട്ടുകളുയർത്തിയ

കരങ്ങളെന്നു തോന്നും

പ്രകാശരഹിതം വിജനം

നിശകളിൽ കാണാനിടവരുകിൽ

പ്രേതങ്ങളെന്നാരും

ശങ്കിച്ചുപോകുമൊരുവേള

അവിശ്വാസികൾ പോലും

കാട്‌ കയറും ഭാവനയ്‌ക്കൊരു മകുടം.

Generated from archived content: poem1_mar19_11.html Author: anandavalli_ahandran

അഭിപ്രായങ്ങൾ

അഭിപ്രായങ്ങൾ