1. കെ.ടി. ഉണ്ണികൃഷ്‌ണൻ, ഖത്തർ.
ചോദ്യം ഃ കേരളത്തിൽ പനിമൂലം ഇത്രയും മരണം ഉണ്ടാകുവാൻ കാരണം?
ഉത്തരം ഃ ദൈവം ദുഷ്‌ടരെ നിഗ്രഹിക്കാൻ പേമാരിയും തീമഴയും പെയ്യിക്കുമെന്ന്‌ കേട്ടിട്ടില്ലേ. കേരളത്തിൽ ദൈവം ആരോഗ്യവകുപ്പു വഴിയാണ്‌ നിഗ്രഹം നടത്തുന്നത്‌.
**********************************************************
2. ഷിലിൻ പെരുമന, ചെറായി.
ചോദ്യം ഃ കരുണാകരൻ, ആന്റണി, അച്യുതാനന്ദൻ തുടങ്ങിയ കേരള രാഷ്‌ട്രീയത്തിലെ അതികായകരെ ഉൾപ്പെടുത്തി ഒരു സിനിമയെടുത്താൽ ആരെ വില്ലനാക്കും?
ഉത്തരം ഃ പുറത്തുനിന്നും ആരെയെങ്കിലും നായകനായി കിട്ടുമോ എന്ന്‌ ആദ്യം നോക്ക്‌ സുഹൃത്തേ…
**********************************************************
3. ജയൻ, കാഞ്ഞിരത്തിങ്കൽ, ഹൈദ്രാബാദ്‌
ചോദ്യം ഃ മുഖ്യമന്ത്രി ആന്റണിയെ സ്വന്തം പാർട്ടിക്കാരും പ്രതിപക്ഷവുമൊക്കെ ഒരുമിച്ചെതിർക്കുന്നത്‌ എന്തുകൊണ്ട്‌?
ഉത്തരം ഃ ചാഞ്ഞു കിടക്കുന്ന തെങ്ങായതിനാലായിരിക്കും എല്ലാവരും അങ്ങോട്ട്‌ കയറുന്നത്‌. പക്ഷെ മണ്ട നശിച്ച്‌ ദ്രവിച്ചതാണെന്ന്‌ അറിഞ്ഞിട്ടു കയറിയാൽ നന്ന്‌. ഒടിഞ്ഞുവീണാൽ ഹൈക്കമാന്റിന്റെ മരുന്നുകൊണ്ടൊന്നും തീരില്ല പ്രശ്‌നം.
**********************************************************
4. ബീന കെ.എം., പരപ്പനങ്ങാടി
ചോദ്യം ഃ കേരളത്തിലെ ഏറ്റവും ശക്തനായ എഴുത്തുകാരൻ ആരാണ്‌?
ഉത്തരം ഃ ബലം കൊണ്ടാണെങ്കിൽ ഞങ്ങളുടെ നാട്ടിലെ ആധാരം എഴുത്തുകാരൻ മല്ലൻ വാസുവായിരിക്കും. എഴുത്തിന്റെ ശക്തികൊണ്ടാണെങ്കിൽ പറയാൻ പറ്റില്ല ബീനേ, ആകാശവിളക്കു പോലെയാണ്‌ നമ്മുടെ എഴുത്തുകാർ… ഓരോ സമയം ഓരോ ദിശയിലായിരിക്കും.
**********************************************************
5. ഷമീർ, ബാംഗ്ലൂർ
ചോദ്യം ഃ എനിക്ക്‌ യേശുദാസിനെപ്പോലെ പാടാൻ ആഗ്രഹം എന്താവഴി?
ഉത്തരം ഃ കാസറ്റിട്ട്‌ ഒപ്പം പാടിയാൽ പോരെ മോനേ…. മുറിയടച്ചായാൽ വീട്ടുകാർക്കും നാട്ടുകാർക്കും സന്തോഷമാകും.
Generated from archived content: question_july23.html Author: abhimanyu
