മാധവ് ഗാഡ്ഗിലിൻ്റെ ആത്മകഥ ‘സപ്ത’ത്തിന്റെ പ്രകാശനം സെപ്റ്റംബർ ഒന്നിന്

വിഖ്യാത പരിസ്ഥിതി ശാസ്ത്രജ്ഞൻ പ്രൊഫ.മാധവ് ഗാഡ്ഗിലിൻ്റെ ആത്മകഥ ‘സപ്ത’ത്തിന്റെ പ്രകാശനം സെപ്റ്റംബർ 1-ന് പുണെയിൽ വെച്ച് നടക്കും. ബംഗാളി, ഹിന്ദി, കന്നഡ, കൊങ്കിണി, മലയാളം, മറാഠി,തമിഴ്, തെലുഗു, ഇംഗ്ലീഷ് ഭാഷകളിലാണ് പുസ്തകം പ്രസിദ്ധീകൃതമാവുന്നത്.1-ന് വൈകുന്നേരം 4 മുതൽ 7 മണി വരെ പുണെയിലെ ഡേക്കൻ ജിംഖാനയിലെ ബ്രിഹൻ മഹാരാഷ്ട്ര കോളജ് ഓഫ് കൊമേഴ്സിനും ഫർഗൂസൻ കോളജിനും അടുത്തുള്ള ഗോഖലെ ഇൻസ്റ്റിറ്റ്യൂട്ട് ഓഫ് പൊളിറ്റിക്സ് ആൻ്റ് ഇക്കണോമിക്സിൽ വെച്ചാണ് പ്രകാശനം. പരിപാടിയുടെ ഭാഗമായി
രാമചന്ദ്രഗുഹയും മാധവ് ഗാഡ്ഗിലും തമ്മിൽ പുസ്തകത്തെക്കുറിച്ചുള്ള സംഭാഷണവും നടക്കും. പുസ്തകങ്ങളുടെ പരിഭാഷകരും സംസാരിക്കും. 31-ന് വൈകുന്നേരം 4 മണി മുതൽ 7വരെ പാർവ്വതിക്കു സമീപമുള്ള വനറായി(vanarai) ഹാളിൽ വിവിധ ഭാഷകളിലെ പരിഭാഷകരും പ്രസാധകരും അവരുടെ അനുഭവങ്ങൾ പങ്കുവെയ്ക്കും. മലയാളത്തിൽ പശ്ചിമഘട്ടം: ഒരു പ്രണയ കഥ എന്ന പേരിൽ മാതൃഭൂമി ബുക്സ് ആണ് പ്രസിദ്ധീകരിക്കുന്നത്. ഇന്ത്യൻ ഭാഷകളിൽ ആദ്യമായി മലയാളത്തിൽ മാതൃഭൂമി ആഴ്ചപ്പതിപ്പിലാണ് ആത്മകഥ പ്രസിദ്ധീകൃതമായത്.

അഭിപ്രായങ്ങൾ

അഭിപ്രായങ്ങൾ