നാശം, നാശത്തിലൂടെയുള്ള വിജയം മാത്രമേ
നാളിതുവരെയുള്ള യുദ്ധങ്ങള്‍ മാനവനേകിയിട്ടുള്ളു ,
എന്നു ചരിത്രം പരിശോധിച്ചാല്‍ ഏവനും കത്താം.
ആരാണീ നാശകാരികളായ യുദ്ധങ്ങള്‍ പടച്ചു വിടുന്നത്?
പൗരജനങ്ങളല്ലത്, പിന്നെയാരാണിതിന്നു പിന്നില്‍?
അത്, ഗര്‍വിഷ്ടരായ രാഷ്ട്രീയ നേതൃത്വം തന്നെ .
അതിന്‍ കെടുതികള്‍ അനുഭവിച്ചിടുന്നതോ
നിസ്സഹായരായ ആബാലവൃന്തം ജനങ്ങള്‍ മാത്രം.
രാഷ്ടനേതാക്കളെല്ലാം രാപകല്‍ ഭേദമെന്യേ
പാതാളത്തില്‍ പോയൊളിച്ചു , സുഖിച്ചു ജീവിച്ചു
പാവപ്പെട്ടവന്റെ മക്കളെ, സോദരങ്ങളെ,
ഭര്‍ത്താക്കന്മാരെ , പിതാക്കളെ , സ്നേഹിതന്മാരെ
തോക്കിനും ബോംബിനും ഇരയായിത്തീരാന്‍
മുന്നണിയിലേക്ക് നിസങ്കോചം ഉന്തി തള്ളി വിടുന്നു
അവര്‍ പരലോകം പ്രാപിച്ചാല്‍ ആര്‍ക്കെന്തു നഷ്ടം?
നഷ്ടം, അവന്‍ തന്‍ കുടുംബത്തിനു മാത്രമല്ലോ
മരിച്ചവര്‍ , വീരമൃത്യുവരിച്ചെന്നു കൊട്ടിഘോഷിച്ചു
മാലോകര്‍ തന്‍ കണ്ണില്‍ പൊടിയിട്ടു നിര്‍ലജ്ജം
ഉത്തരവാദിത്തങ്ങളില്‍ നിന്നും ഒഴിഞ്ഞു മാറിടുന്നു .
ഇനിയൊരു കാലം ഒരിക്കലും യുദ്ധമില്ലാതിരിക്കാന്‍
ഒരു അഖിലലോക സര്‍ക്കാരായിടേണം .
അതില്‍, ലോകരാഷ്ട്രങ്ങളെല്ലാം തുല്യതയോടെ
ജനസംഖ്യാനുപാതത്തില്‍ അംഗങ്ങളായിടേണം .
ഈ ലോക സര്‍ക്കാര്‍ മാനവരാശിക്കു മാനത്തോടേ
ജീവിക്കാന്‍ കാരണഭൂതരായിത്തീരാന്‍ നമുക്കേവര്‍ക്കും
മനം നൊന്തു ഒത്തൊരുമയോടെ പ്രാര്‍ത്ഥിച്ചിടാം.
Click this button or press Ctrl+G to toggle between Malayalam and English