കുക്കുട രോദനം

 

 

 

 

 

 

(ഓട്ടൻ തുള്ളൽ പാട്ടിന്റെ ഈണത്തിൽ ചൊല്ലുക)

കുക്കുടത്തിൻ ചിറകടിയില്ലാതെ

ഊണിനെന്തു രസമുണ്ട് ചൊല്ലുഹേ!

കുക്കുടത്തിൻ ചിറകടിയില്ലാതെ

ഊണിനെന്തു രസമുണ്ട് ചൊല്ലുഹേ!

കുക്കുടത്തിൻ ചിറകടിയില്ലാതെ

ഊണിനെന്തു രസമുണ്ട് ചൊല്ലുഹേ!

പപ്പടം പഴം പായസമൊന്നുമേ

പഥ്യമല്ല ഈ ലോകത്തിലൊന്നുമേ

പപ്പടം പഴം പായസമൊന്നുമേ

പഥ്യമല്ല ഈ ലോകത്തിലൊന്നുമേ

ചിക്കനെന്നൊരു പേരു കേട്ടാലതോ

ചിക്കി മാന്തി തിന്നാനൊരു കൊതി

ചിക്കനെന്നൊരു പേരു കേട്ടാലതോ

ചിക്കി മാന്തി തിന്നാനൊരു കൊതി

കുക്കുടത്തിൻ കഥയതു സങ്കടം;

കേൾക്കുവാനോ കേൾവിയില്ലാതായതോ

കുക്കുടത്തിൻ കഥയതു സങ്കടം;

കേൾക്കുവാനോ കേൾവിയില്ലാതായതോ

പ്രാതലിനൊപ്പം ഒഴിച്ചു കൂട്ടാനായും

ഊണിനൊപ്പം കറുമുറു വറ്റലായ്

രാത്രിയാകുമ്പോൾ കമ്പിയിൽ കോർത്തൊരു

കറക്കവുമുണ്ട് വേവുന്ന ചൂടിലായ്

പ്രാതലിനൊപ്പം ഒഴിച്ചു കൂട്ടാനായും

ഊണിനൊപ്പം കറുമുറു വറ്റലായ്

രാത്രിയാകുമ്പോൾ കമ്പിയിൽ കോർത്തൊരു

കറക്കവുമുണ്ട് വേവുന്ന ചൂടിലായ്

വായിലോടുന്ന കപ്പലുമായ് പട

ഊണുമേശയ്ക്ക് ചുറ്റിലും വട്ടമായ്

എല്ലുകളൊടിയുന്നൊരു ശബ്ദമായ്

കുക്കുടത്തിൻ കഥയതു കഷ്ടമായ്

വായിലോടുന്ന കപ്പലുമായ് പട

ഊണുമേശയ്ക്ക് ചുറ്റിലും വട്ടമായ്

എല്ലുകളൊടിയുന്നൊരു ശബ്ദമായ്

കുക്കുടത്തിൻ കഥയതു കഷ്ടമായ്

കാച്ചിലും വേണ്ട മേച്ചിലും വേണ്ടല്ലോ

കാടുമേടുകൾ കറക്കവും വേണ്ടല്ലോ

കൂട്ടിലായി തീറ്റയും വെള്ളമായ്

വാസമോ സുഖവാസവുമല്ലയോ

കാച്ചിലും വേണ്ട മേച്ചിലും വേണ്ടല്ലോ

കാടുമേടുകൾ കറക്കവും വേണ്ടല്ലോ

കൊത്തിത്തിന്നുവാൻ ചിക്കിച്ചികയണ്ട

വേലിപ്പത്തിലിനടിയിലായ് നൂഴേണ്ട

കൂട്ടിലായി, തീറ്റയും വെള്ളമായ്

മുട്ട തട്ടാൻ, പരുന്തില്ല കൂഴയും

വാസമോ സുഖവാസവുമല്ലയോ

കുക്കുടത്തിൻ പ്രതാപവുമിങ്ങനെ

അങ്ങനെയൊരു നാളിതാ വന്നുപോയ്

കുക്കുടത്തിൻ പൂട പറന്നുപോയ്

സായിപ്പിന്റെ ഭാഷയിൽ ഡിന്നറായ്

ഊണുമേശയിൽ ഗംഭീര പ്രൗഢിയായ്

അലങ്കരിച്ചൊരു താലത്തിൽ മോടിയായ്

ഉപ്പുമായ്,മസാല,മുളകുമായ്

കുക്കുടത്തിൻ കഥയതു പാട്ടായി

പാട്ടുപാടുവാൻ ആളുകളേറെയായ്

കുക്കുടത്തിൻ ചിറകടിയില്ലാതെ

ഊണിനെന്തു രസമുണ്ട് ചൊല്ലുഹേ!

കുക്കുടത്തിൻ ചിറകടിയില്ലാതെ

ഊണിനെന്തു രസമുണ്ട് ചൊല്ലുഹേ!

അഭിപ്രായങ്ങൾ

അഭിപ്രായങ്ങൾ

SHARE
Previous articleവൈക്കം ചന്ദ്രശേഖരൻ നായർ സ്മാരക അവാർഡ് കെ.കെ. കൊച്ചിന്
Next articleപുതിയ യക്ഷി
യു ഏ യിൽ താമസമാക്കിയ ഒരു ഇരിങ്ങാലക്കുടക്കാരി....കുഞ്ഞിലിക്കാട്ടിൽ ഉണ്ണിച്ചെക്കൻറെയും പദ്മിനിയുടേയും മകൾ, അശ്വനിയുടെ വാമഭാഗം..ദക്ഷിണ ഭാരത ഹിന്ദി പ്രചാരസഭയിൽനിന്നും ഹിന്ദി പ്രവീൺ, കമ്പ്യൂട്ടർ ആപ്പ്ളിക്കേഷനിൽ പ്രൊഫഷണൽ ബിരുദം,പ്രകൃതി സ്‌നേഹി.... ഓർമകളും,നൊമ്പരങ്ങളും, മറവിയിൽനിന്നു കണ്ണുപൊത്തിക്കളിക്കുമ്പോൾ....... സംവേദനം നേരിട്ടാകാൻ കഴിയാത്ത സന്ദർഭങ്ങളിൽ..... അപ്പോഴൊക്കെ വിരിയുന്നവയാണ് ഈ ചെറിയ ശീലുകൾ,വാക്കുകൾ,വാക്യങ്ങൾ.... അവ കാതോർക്കുന്നവർ, കണ്ണോടിക്കുന്നവർ നിങ്ങളാണ്. നിങ്ങളോട് ഞാൻ എന്നെക്കുറിച്ചു മറ്റെന്തു പറയാൻ..... എഴുത്ത് ഇതുവരെ:- "അച്ഛൻ ഓർമ്മകൾ " എന്ന പുസ്തകത്തിൽ ഒരു ചെറു ഓർമ്മക്കുറിപ്പ് പ്രസിദ്ധീകരിച്ചിട്ടുണ്ട്.

അഭിപ്രായം എഴുതുക

Please enter your comment!
Please enter your name here