സ്കൂട്ടറിന്റെ തകർന്ന നെഞ്ചിൻകൂട്
പൊട്ടിയ നട്ടെല്ല് ഗട്ടറിൽ ചിതറിപ്പോയ
കൂട്ടുകാരന്റെ തലച്ചോറിന്റെ പൂക്കുല
മുഖച്ചായ മാറിയ ചോറ്റുപാത്രം
ചോറിന്റെ കെട്ട കാഴ്ച
ചമ്മന്തിയുടെ സിന്ദൂരം
ചോരപുരണ്ട സ്കൂൾ ബാഗ്
ചെരിപ്പിന്റെ കാല്പാട്
ചിരന്തന ദുഃഖമുടുത്ത്
മരവിച്ചു കിടക്കുന്ന കറുത്ത റോഡ്
തിരിഞ്ഞു നോക്കാത്ത തിരക്കിന്റെ ചിറകിൽ
കരുണയും ഞാനുമെൻ സ്കൂട്ടറും.
Generated from archived content: poem12_aug.html Author: aduthala_prakash
