മേടപ്പുലരിയണഞ്ഞപ്പോൾ
കാടും മേടും പൂത്തപ്പോൾ
നാടൊട്ടുക്കും കേൾക്കാറായ്
‘ചടപട-ചടപട’ മേളാങ്കം!
ലാത്തിരി പൂത്തിരി കത്തുന്നു
മത്താപ്പൂവ് ചിരിക്കുന്നു
എങ്ങും പുത്തൻ വിഷുവെത്തി
മുറ്റത്തെല്ലാം ‘കണി’യെത്തി!
തൊടിയിൽ നിന്ന കണിക്കൊന്ന
അടിമുടി പൂത്തു താലോലം
പാറിയണഞ്ഞ വിഷുപ്പക്ഷി
പാടീ ‘വിത്തും കൈക്കോട്ടും’!
പുത്തൻ പൂക്കണി കണ്ടിട്ട്
തത്തിച്ചാടിയണഞ്ഞപ്പോൾ
കുട്ടനു നൽകി മുത്തച്ഛൻ
കുഞ്ഞിക്കൈയിൽ ‘കൈനീട്ടം’!
Generated from archived content: poem6_apr27_07.html Author: sippy_pallippuram
