അടികൊണ്ടെന്നും കരയും ചെണ്ടേ
അരുമച്ചെണ്ടേ, പൊൻചെണ്ടേ
പരന്നതെങ്ങനെ പറഞ്ഞിടാമോ
പാവം നിന്നുടെ തലമണ്ട?
പണ്ടൊരു മാരാർ ചിണ്ടന്മാരാർ
‘ഡിണ്ടം പടപട’ കൊട്ടുമ്പോൾ
പരന്നതാണേ ചങ്ങാതീയെൻ
കഷണ്ടിയാമിത്തലമണ്ട!“
”കഷ്ടം കഷ്ടം!! ചെണ്ടേ നിന്നുടെ
തലവധിയിങ്ങനെയായല്ലോ
അടികൊണ്ടിങ്ങനെ കിട്ടും കാശിൽ
പാതി നിനക്കു തരാറില്ലേ?“
”തല്ലല്ലാതൊരു ചില്ലിക്കാശും
ഇല്ല തരില്ലെൻ ചങ്ങാതീ
അടികൊണ്ടീടാൻ പാവം ഞാനും
കാശുപിടുങ്ങാൻ കണ്ടോരും!“
Generated from archived content: poem1_may26_07.html Author: sippy_pallippuram
