ആകാശനീലിമയാർന്നൊരാ മുറ്റത്ത്
പൂക്കളം തീർക്കുന്നു താരകങ്ങൾ
ഓരോ സമയവും ഓരോരോഭാവങ്ങൾ-
ആടിത്തിമിർത്തിടും കോമരംപോൽ
മനസ്സിൽ വിഷാദങ്ങളേറുന്ന നേരത്ത്
മഴയാലേ കണ്ണുനീർ പൊഴിച്ചുവോ നീ
ഹൃത്തതിൽ സന്തോഷമേറുന്ന നേരത്ത്
പൊൻവെയിലാലേ പുഞ്ചിരി തൂകിയോ നീ
മിന്നലാൽ സംഹാരതാണ്ഡവമാടുമ്പൊഴും
ഏറെ ഭയന്നിതെന്റെ ചിത്തം
ആ താണ്ഡവമാണെനിക്കേറെ ഭയം
നിന്റെ നീലിമയാണെനിക്കേറെയിഷ്ടം.
Generated from archived content: poem10_may26_07.html Author: saritha_pm
