അമ്മ
അമ്മ നല്ലയമ്മ
സ്‌നേഹമുളളയമ്മ!
അമ്മതൻ കവിളിൽ
ഉമ്മയൊന്നു നൽകാം!
പളളിക്കൂടം
പളളിക്കൂടം തന്നിൽ
ഞാനും പോകും ചേച്ചീ!
പാഠങ്ങൾ പഠിക്കും
പാട്ടുകൾ നന്നായ്‌ പാടും
മല
മലമേലേ കേറും ഞാൻ
മഴമേഘം കാണും ഞാൻ
മഴപെയ്യും നേരത്ത്‌
കുടയൊന്നു നീർത്തും ഞാൻ
രാവിലെ
രാവിലെ തന്നെയെണീക്കും, പല്ലു
തേച്ചു കഴിഞ്ഞു കുളിക്കും
രാവിലെ തന്നെ പഠിക്കും, പിന്നെ
കാപ്പി കുടിക്കാനിരിക്കും
ചക്രം
സൈക്കിളിനുണ്ട്‌ ചക്രം രണ്ട്‌
ഓട്ടോയ്‌ക്കുണ്ട്‌ മൂന്ന്‌!
കാറിനു ചക്രം നാലാണല്ലോ
ചക്രമുരുണ്ടാൽ മുന്നോട്ട്‌
Generated from archived content: poem4_june4.html Author: muraleedharan_aanappuzha
