ഒരു മന്ദഹാസത്തിൻ മധുരിതാകർഷണം
പകരുന്ന ദിവ്യപ്രകാശം
അസുലഭാനന്ദസന്ദേശ ഭാഗ്യോദയം
അഖിലർക്കുമരുളുന്നതുല്യം
അതു സമാർജ്ജിക്കാൻ കഴിഞ്ഞാലനാരതം
അകലുന്നലോസരം നേരിൽ!
അതിദുഃഖഭാരത്തിലമരുമ്പോഴെല്ലാം
അതിഹൃദ്യമോദം ലഭിക്കാൻ
അറിയുന്നതുത്തമമല്ലയോ വാഴ്വിൽ
അരിയസാഫല്യരഹസ്യം?
പരമസമാധാനമഭിലഷിക്കുന്ന നാം
അറിയേണ്ടതാണാ രഹസ്യം
Generated from archived content: poem2_dec17_05.html Author: kallada_bhasi
Click this button or press Ctrl+G to toggle between Malayalam and English