ലോകമേ തറവാട്‌, നിനക്കായ്‌ നമിക്കുന്നു
ഞാൻ, നിന്റെ പച്ച പുതച്ച പ്രകൃതിയെ
കാണാനാശ്ചര്യം ഇന്നെവിടെ പ്രകൃതി സൗന്ദര്യം?
മുത്തശി പറഞ്ഞ കഥയിലെ പാടങ്ങളും
നെൽച്ചെടികളുമെവിടെ? ശുദ്ധവായു-
തഴുകിയോടുന്ന ഇളം കാറ്റെവിടെ?
കലപില ശബ്‌ദങ്ങളാൽ കാതുതുളച്ചിരുന്ന
കിളിക്കൂട്ടങ്ങളെവിടെ?
അന്നം തരുന്ന നെൽച്ചെടികളെപ്പോലും
തിരിച്ചറിയാത്ത പുത്തൻ തലമുറയെ
എന്തുപേരു വിളിച്ചീടണം നാം?
എല്ലാം മറന്നൊന്നുറങ്ങിയ യാമങ്ങൾ
എന്നെന്നേക്കുമായ്‌സ്‌തമിച്ചു പോയ്‌!
ഇപ്പോൾ ഭയം, ഭയം മാത്രമാണെന്റെ
കൈമുതൽ….! ദൈവം തന്ന വരദാനത്തിന്‌-
മർത്യൻ നൽകിയ സമ്മാനം.!
Generated from archived content: poem3_mar26_11.html Author: jaseela.haris_oravampuram
