അമ്പലമുറ്റത്തെ അരയാലിൻ ചുവട്ടിൽ
അന്നൊരുനാൾ ഞാനവളെ കണ്ടുമുട്ടി.
ആരും കൊതിക്കും അതിസുന്ദരിയാം അവളെ
അത്ഭുതംപോലെ ഞാൻ നോക്കി നിന്നു
ആരെന്നറിയാതെ ആരോടും മിണ്ടാതെ
അമ്പലമുറ്റത്തേക്കവൾ നടന്നുമെല്ലെ.
ആനന്ദചിത്തയാം സുന്ദരിയാം അവളെ-
അനുരാഗമാം സ്വപ്‌നങ്ങളിൽ കണ്ടുമുട്ടി
ആയില്യംകാവിൽ വിളക്കിനുപോയപ്പോൾ
അവിടെയും ഞാനവളെ കണ്ടുമുട്ടി.
സുന്ദരിയാം അവൾ പുഞ്ചിരിതൂകി
കൺപീലികൊണ്ട്‌ എന്റെ മനസ്സിൽ കളംവരച്ചു.
എന്റെ ജീവിത സഖിയാം സുന്ദരിക്ക്‌
എന്റെ മനസ്സിന്റെ ജാലകവാതിൽ തുറന്നിട്ടു.
Generated from archived content: poem4_aug27_05.html Author: a_d_rajesh
