അശ്വതി
തൊഴില്‍ തേടുന്നവര്‍ക്ക് ടെസ്റ്റുകളിലും പരീക്ഷകളിലും വിജയിക്കാനാകും. തൊഴില്‍ രംഗത്ത് പുരോഗതിയുണ്ടാകും. വിദ്യാര്‍ത്ഥികള്‍ക്ക് ഉപരിപഠനത്തിനുള്ള വഴി തെളിയും. മംഗളകര്‍മ്മങ്ങളിലും സത്കര്‍മ്മങ്ങളിലും പങ്കുകൊള്ളും. സാമ്പത്തിക പ്രശ്നങ്ങളുണ്ടാകും. സിനിമ, സീരിയല്‍ രംഗത്തുള്ളവര്‍ക്ക് അവസരങ്ങള്‍ ഉണ്ടാകും. വ്യാപാരവ്യവസായരംഗത്തുള്ളവര്‍ നന്നായി ശോഭിക്കും.
ഭരണി
വിദ്യാര്‍ത്ഥികള്‍ പഠനത്തോടൊപ്പം പാഠ്യേതര വിഷയങ്ങളിലും നന്നായി ശോഭിക്കും. സാംസ്ക്കാരിക രംഗങ്ങളില്‍ മിന്നി തിളങ്ങും. പല വിധ പുരസ്ക്കാരങ്ങള്‍ കരസ്ഥമാക്കും. തര്‍ക്കങ്ങളിലും കേസ്സുകളിലും വിജയിക്കും. മേലധികാരികളുടെ പ്രീതി സമ്പാദിക്കും. കര്‍മ്മരംഗത്ത് പുരോഗതിയുണ്ടാകും.
കാര്‍ത്തിക
കുടുംബജീവിതം സന്തോഷകരമാകും. ഉന്നതസ്ഥാനീയരുടെ സഹായങ്ങള്‍ ലഭിക്കും. വിദ്യാര്‍ത്ഥികളുടെ ഉപരി പഠനത്തിനുള്ള തടസ്സം മാറിക്കിട്ടും. സര്‍ക്കാര്‍ സര്‍വീസിലുള്ളവര്‍ക്ക് സ്ഥാനചലനവും പ്രമോഷനും സിദ്ധിക്കും. രാഷ്ട്രീയ സാമൂഹിക രംഗങ്ങളിലുള്ളവര്‍ക്ക് ജനങ്ങളില്‍ സ്വാധീനം വര്‍ദ്ധിക്കും. ഇടപാടുകളില്‍ ലാഭം ഉണ്ടാകും.
രോഹിണി
ഈശ്വര പ്രീതീകരങ്ങളായ ദാനധര്‍മ്മങ്ങള്‍ പുണ്യകര്‍മ്മാനുഷ്ഠാനങ്ങള്‍ ഇവ ധാരാളമായി ചെയ്യും. ആഢംബരഭോഗവസ്തുക്കള്‍ വാങ്ങിക്കൂട്ടും. ഔദ്യോഗികരംഗത്തുള്ള പ്രശ്നങ്ങള്‍ രമ്യമായി പരിഹരിക്കും. കായികരംഗത്തുള്ളവര്‍ക്ക് വിദേശയാത്രകള്‍ തരപ്പെടും. ശത്രുക്കളുടെ പ്രവര്‍ത്തനങ്ങളെ പരാജയപ്പെടുത്തും.
മകയിരം
കുടുംബസ്വത്തുക്കള്‍ ഭാഗം വച്ചു കിട്ടും. സ്വയം തൊഴിലില്‍ പുരോഗതിയുണ്ടാകും. അകാരണമായി തര്‍ക്കങ്ങളും കേസ്സുകളും ഉണ്ടാകും. മനസ്സ് അസ്വസ്ഥമാകും. സ്വജനങ്ങളെകൊണ്ട് ക്ലേശിക്കും. പല കാര്യങ്ങള്‍ക്കും തീര്‍പ്പുകല്‍പ്പിക്കാന്‍ കഴിയാതെ വരും. ധനനഷ്ടം അലച്ചിലും വലച്ചിലും ഇവയുണ്ടാകും.
തിരുവാതിര
ധനപരമായി പ്രയാസങ്ങള്‍ നേരിടും. ഏജന്‍സി വ്യാപാരം നടത്തുന്നവര്‍ക്ക് നല്ല വ്യാപാരം ഉണ്ടാകും. ദേഹാരോഗ്യം കുറയും. വീട് സംബന്ധമായി തര്‍ക്കങ്ങള്‍ ഉണ്ടാകും. കേസ്സുകളും തര്‍ക്കങ്ങളും മൂലം മനസ്സ് വല്ലാതെ വ്യാകുലപ്പെടും. കര്‍മ്മരംഗത്ത് ശത്രു ശല്യം ഉണ്ടാകും.
പുണര്‍തം
പൊതു വേദികള്‍ ബന്ധപ്പെട്ട് പ്രവര്‍ത്തിക്കും മതാചാര കാര്യങ്ങളില്‍ കൂടുതല്‍ പണം ചെലവഴിക്കും. വിവാഹാദി മംഗളകര്‍മ്മങ്ങളില്‍ സംബന്ധിക്കും. വാകസാമര്‍ത്ഥ്യം കൊണ്ട് നടക്കാത്ത കാര്യങ്ങള്‍ നടത്തിയെടുക്കും. ബന്ധുക്കളെ അകമഴിഞ്ഞ് സഹായിക്കും.
പൂയം
വിദ്യാഭ്യാസരംഗത്തുള്ളവര്‍ക്ക് നന്നായി ശോഭിക്കാനാകും. സ്ത്രീകളില്‍ നിന്ന് സഹായങ്ങള്‍ ലഭിക്കും. വിദേശജോലിക്കു ശ്രമിക്കുന്നവര്‍ക്ക് വിസ, തുടങ്ങിയ ലഭിക്കും. ധാരാളം യാത്രകള്‍ തൊഴിലുമായി ബന്ധപ്പെട്ട് നടത്തും.
ആയില്യം
അപകടത്തില്‍ നിന്ന് അത്ഭുതകരമായി രക്ഷപ്പെടും. ഭാഗ്യാനുഭവങ്ങള്‍ പലതും ഉണ്ടാകും. പ്രതീക്ഷിക്കാതെ ധനം വന്നു ചേരും. താത്ക്കാലികമായി ജോലി ചെയ്യുന്നവര്‍ക്ക് അത് സ്ഥിരമായി കിട്ടും. മേലധികാരികളില്‍ നിന്ന് നല്ല സഹായങ്ങള്‍ ഉണ്ടാകും. ഗൃഹനിര്‍മ്മാണ പ്രവര്‍ത്തങ്ങള്‍ തുടങ്ങും.
മകം
വിദേശത്തു ജോലി ചെയ്യുന്നവര്‍ക്ക് ജോലി നഷ്ടപ്പെടുകയോ ജോലി മതിയാക്കി നാട്ടിലേക്ക് തിരിച്ചു വരുകയോ ചെയ്യും സന്താനങ്ങളുടെ ഉപരി വിദ്യാഭ്യാസത്തിന് തടസ്സം നേരിടും. ആഘോഷങ്ങളില്‍ പങ്കെടുക്കും പണത്തിന് ഞെരുക്കം അനുഭവപ്പെടും.
പൂരം
ഏഴരശനിയുടെ ദോഷഫലങ്ങള്‍ ഉണ്ടാകും. കാര്യ തടസ്സം അലച്ചില്‍ വലച്ചില്‍ ധനനഷ്ടം ദൈവാധീനക്കുറവ് ഇവ മൂലം വിഷമിക്കും. വളരെ വേണ്ടപ്പെട്ടവരുടെ വേര്‍പാടു മൂലം ദു: ഖിക്കും ഔദ്യോഗിക സ്ഥാനത്തു നിന്ന് വിരമിക്കും.
ഉത്രം
വിദ്യാര്‍ത്ഥികള്‍ പരീക്ഷകളിലും ടെസ്റ്റുകളിലും പരാജയപ്പെടും. ധനപരമായ പ്രയാസങ്ങള്‍ ഉണ്ടാകും. ഉത്സവാദികള്‍ക്ക് നേതൃത്വം നല്‍കും. പുതിയ സുഹൃത് ബന്ധങ്ങളും പ്രേമബന്ധങ്ങളും ഉണ്ടാകും. പഴയ വാഹനം വില്‍ക്കും.
അത്തം
കുടുംബത്തില്‍ സ്വസ്ഥത കുറയും. പഴയ കേസ്സുകള്‍ വീണ്ടും വന്നു ചേരും. വ്യാപാരവ്യവസായ രംഗങ്ങളിലുള്ളവര്‍ക്ക് മാന്ദ്യം അനുഭവപ്പെടും. ബുദ്ധിപരമായി കാര്യങ്ങള്‍ കൂടുതല്‍ ശ്രദ്ധിച്ച് മുന്നോട്ടു പോകും. വിലപിടിപ്പുള്ള രേഖകള്‍ കൈവശം വന്നു ചേരും. ശത്രുക്കളുടെ ഉപദ്രവങ്ങള്‍ മൂലം ചില പ്രശ്നങ്ങള്‍ ഉദയം ചെയ്യും . ചിത്തിര
രാഷ്ട്രീയ നേതാക്കന്മാര്‍ തെരെഞ്ഞെടുപ്പുകളില്‍ നിന്നാല്‍ പരാജയപ്പെടും. ആദ്ധ്യാത്മിക നേതാക്കന്മാര്‍ക്ക് നന്നായി ശോഭിക്കാനാകും. തര്‍ക്കങ്ങളും മറ്റും ഒത്തു തീര്‍പ്പാക്കാന്‍ മാ‍ദ്ധ്യസ്ഥത വഹിക്കും. ഉല്ലാസയാത്രകള്‍ നടത്തും. മൃഷ്ടാ‍ന്ന ഭോജനത്തിനും സൗന്ദര്യ സാമഗ്രഹികള്‍ വാങ്ങിക്കൂട്ടുന്നതിനും വേണ്ടി ധാരാളം പണംചിലവഴിക്കും.
ചോതി
അധിക ചിലവുകള്‍ ഉണ്ടാകും. ദിനചര്യകളില്‍ വ്യതിയാനം വരുത്തും. ജംഗമസ്വത്തുക്കള്‍ അധീനതയില്‍ വരും. കേസ്സുകളിലും തര്‍ക്കങ്ങളിലും വിജയിക്കും. കലാരംഗത്തുള്ളവര്‍ പൊതു രംഗത്ത് നന്നായി ശോഭിക്കും. സമ്മാനങ്ങളും ബഹുമതികളും ലഭിക്കും. ദമ്പതികള്‍ സുഖവാസകേന്ദ്രങ്ങളില്‍ പാര്‍ക്കും.
വിശാഖം
വിദ്യാര്‍ത്ഥികള്‍ക്ക് ഉപരി പഠനത്തിന് തടസ്സം ഉണ്ടാകും. പ്രമാണങ്ങളില്‍ ഒപ്പു വയ്ക്കും. പിതൃസ്വത്തുക്കള്‍ കൈവശം വന്നു ചേരും. വിശ്രമരഹിതമായി ജോലി ചെയ്യും. മറ്റുള്ളവര്‍ക്കു വേണ്ടി സമയവും പണവും ചിലവഴിക്കും.
അനിഴം
ദീര്‍ഘകാലമായിട്ടുള്ള ആഗ്രഹങ്ങള്‍ സഫലീകരിക്കും. പതി മൂലം ധനനഷ്ടം ഉണ്ടാകും. ഭാഗ്യാനുഭവങ്ങള്‍ ഉണ്ടാകും അപ്രതീക്ഷിതമായ ധനലാഭം ഉണ്ടാകും. ഭൂമി സംബന്ധമായി തര്‍ക്കങ്ങള്‍ പരിഹരിക്കും. അയല്‍ക്കാരുമായി നല്ല ബന്ധം സ്ഥാപിക്കും. പ്രസിദ്ധീകരണങ്ങളില്‍ ജോലി ചെയ്യുന്നവര്‍ക്ക് അധികവരുമാനവും സ്ഥാനലബ്ധിയും ലഭിക്കും. മേലധികാരികളുടെ പ്രീതി സമ്പാദിക്കും.
തൃക്കേട്ട
ആഢംബരത്തിനും വിനോദത്തിനും വേണ്ടി ധാരാളം പണം ചെലവഴിക്കും. കേസ്സുകളിലു തര്‍ക്കങ്ങളിലും ബന്ധപ്പെട്ട് കുഴപ്പം പിടിച്ച അനുഭവങ്ങള്‍ ഉണ്ടാകും. കുടുംബസുഖക്കുറവുണ്ടാകും. വീട് മാറി താമസിക്കും സുഹൃത്തുക്കളും ബന്ധുക്കളും ഭിന്നിച്ചു നില്‍ക്കും.
മൂലം
ശാസ്ത്രസാങ്കേതിക രംഗങ്ങളിലുള്ളവര്‍ക്ക് ബഹുമതികളും പുരസ്ക്കാരങ്ങളും ലഭിക്കും. വിദേശത്തുള്ളവര്‍ഗൃഹത്തില്‍ വന്നു ചേരും. നിര്‍ത്തിവച്ചിരുന്ന പ്രസ്ഥാനങ്ങള്‍ വീണ്ടും ആരംഭിക്കും. ഉദ്യോഗത്തില്‍ സ്ഥിരീകരണമാകാത്തവര്‍ക്ക് സ്ഥിതീകരണമുണ്ടാകും.
പൂരാടം
ഉയര്‍ന്ന ഉദ്യോഗസ്ഥന്മാരുടെ നിര്‍ബന്ധത്തിനു വഴങ്ങി മനസാക്ഷിക്കു വിരുദ്ധമായി പ്രവര്‍ത്തിക്കും . പല കാര്യങ്ങളിലും ധീരമായ തീരുമാനങ്ങള്‍ എടുക്കാന്‍ കഴിയാതെ വരും. ഗൃഹത്തില്‍ മംഗളകര്‍മ്മങ്ങള്‍ നടക്കും. സ്വജനങ്ങളുമായി അഭിപ്രായവ്യത്യാസം ഉണ്ടാകും
ഉത്രാടം
സന്താനങ്ങളുടെ വിവാഹക്കാര്യത്തില്‍ തീരുമാനമാകും. മനസ്സ് സന്തോഷിക്കുന്ന അനുഭവങ്ങള്‍ ഉണ്ടാകും. പല കാര്യങ്ങളിലും ധീരമായ തീരുമാനം കൈക്കൊള്ളും. ഹര്‍ജികളും നിവേദനങ്ങളും അംഗീകരിക്കപ്പെടും.
തിരുവോണം
പ്രവര്‍ത്തനരംഗത്ത് ഊര്‍ജസ്വലത പ്രകടിപ്പിക്കും. ഊഹക്കച്ചവടത്തിലും ഷെയര്‍മാര്‍ക്കറ്റിലും നിക്ഷേപങ്ങള്‍ നടത്തും. ഉന്നതവ്യക്തികളുമായി സഹകരിച്ച് പ്രവര്‍ത്തിക്കും. മെഡിക്കല്‍ മേഖലകളില്‍ ജോലി ചെയ്യുന്നവര്‍ക്ക് അര്‍ഹിക്കാത്ത സ്ഥാനങ്ങള്‍ ലഭിക്കും. അലസതാ മനോഭവം കൈവരും. പൂര്‍വസ്വത്തുക്കള്‍ കൈവശം വന്നു ചേരും. ദേവാലയങ്ങളുമായി ബന്ധപ്പെട്ട് പ്രവര്‍ത്തിക്കും.
അവിട്ടം
അധികചിലവു മൂലം കടം വന്നു ചേരും. സാമ്പത്തിക കാര്യങ്ങളില്‍ പ്രതിസന്ധി നേരിടും. മാതാപിതാക്കന്മാരുടെ സംരക്ഷണച്ചുമതല ഏറ്റെടുക്കേണ്ടി വരും. പല പ്രതിസന്ധികളേയും നേരിടേണ്ടി വരുന്ന വാരമാണിത്. ദൈവത്തില്‍ ആശ്രയിച്ച് പൂജാദികര്‍മ്മങ്ങള്‍ നടത്തിയാല്‍ ഒരു പരിധി വരെ കാര്യങ്ങളെ നേരിടാനുള്ള ശക്തി കൈവരിക്കാം
ചതയം
ആരോഗ്യം തീരെ മോശമായ വാരം . പല വിധ രോഗങ്ങള്‍ മൂലം വിഷമിക്കും. മരുന്നുകള്‍ ഉദ്ദേശിച്ച ഫലം ചെയ്യില്ല. ജോലി ഭാരം വര്‍ദ്ധിക്കും. സാമ്പത്തികമായി മോശമല്ലാത്ത വാരം. ബന്ധു ജനങ്ങളുമായി കൂടുതല്‍ അടുക്കും . കുടുംബത്തില്‍ സ്വസ്ഥതയും സമാധാനവും ഉണ്ടാകും. സന്താനങ്ങളുടെ ഉപരി പഠനത്തിനുള്ള ശ്രമം വിജയിക്കും.
പൂരുരുട്ടാതി
അധികവരുമാനം ഉണ്ടാകും അവിവാഹിതരുടെ വിവാഹക്കാര്യത്തില്‍ തീരുമാനമാകും. നീതിന്യായ വകുപ്പുകളില്‍ ജോലി ചെയ്യുന്നവര്‍ക്ക് പ്രമോഷനും സ്ഥാനചലനവും ഉണ്ടാകും. പോലീസ് പട്ടാളം എന്നീ വകുപ്പുകളില്‍ ജോലി ചെയ്യുന്നവര്‍ക്ക് സ്ഥാനക്കയറ്റം ലഭിക്കും. മുടങ്ങിക്കിടന്നിരുന്ന വീടു പണി വീണ്ടും ആരംഭിക്കും
ഉത്രട്ടാതി
വീട്ടമ്മമാര്‍ക്ക് സുഖഭോഗവസ്തുക്കളുടെ ലാഭവും ആഭരാലങ്കാര പദാര്‍ത്ഥങ്ങളും വാങ്ങാന്‍ കഴിയും പൈതൃകമായ സ്വത്തുക്കള്‍ അനുഭവയോഗ്യമാകും. സുഹൃത്തുക്കളില്‍ നിന്ന് ചതി പറ്റും. ഉത്സവങ്ങളിലും ആഘോഷങ്ങളിലും പങ്കെടുക്കും. ഗൃഹാന്തരീക്ഷം സമാധാനപരമാകും. പുതിയ ആദായ മാര്‍ഗങ്ങള്‍ തേടും. സ്വയം തൊഴിലില്‍ ചെയ്യുന്നവര്‍ക്കും പങ്കുവ്യാപാരാം നടത്തുന്നവര്‍ക്കും നല്ല അനുഭവങ്ങള്‍ പ്രതീക്ഷിക്കാം.
രേവതി
ആശുപത്രിയുമായി ബന്ധപ്പെട്ട് ജോലി ചെയ്യുന്നവര്‍ക്ക് ജോലി ഭാരം വര്‍ദ്ധിക്കും. ഗവേഷണരംഗത്തുള്ളവര്‍ക്ക് അവാര്‍ഡുകളും സാമ്പത്തിക നേട്ടങ്ങളും കൈവരിക്കാനാകും . ഉന്നതസ്ഥാനങ്ങളില്‍ വിരാചിക്കുന്നവര്‍ക്ക് മേലധികാരികകളില്‍ നിന്ന് വിമര്‍ശനങ്ങള്‍ ഉണ്ടാകും. ലാഭം പ്രതീക്ഷിച്ച് ചെയ്യുന്ന കാര്യങ്ങളില്‍ ഉദ്ദേശിച്ച പോലെ ലാഭം ഉണ്ടാക്കാന്‍ കഴിയാതെ വരും.
Generated from archived content: vaara1_mar28_12.html Author: dr_k_divakaran
Click this button or press Ctrl+G to toggle between Malayalam and English